Te Herekiekie Haerehuka Herewini
Kaiwhakahaere Kaupapa Pūtere Kōiwi
Ko Te Herekiekie Haerehuka Herewini he uri nō Ngāti Tūwharetoa, Ngāti Whakaue, Ngāti Apa, Ngā Rauru Kītahi, Whanganui, Ngā Puhi, me Ngāti Porou. I tipu ake a ia i Rātana Pā i mua i te nukutanga o te whānau ki Te Whanganui-a-Tara i ngā tau o 1970.
I mua i tēnei mahi, i roto a ia i ētahi tūnga teitei hei:
- Kaitohutohu Matua i Te Manatū Pūtaiao
- Kaiwhakahaere Rangahau i Te Kaunihera Rangahau Hauora o Aotearoa
- Kaiwhakahaere ā-Motu i Te Tūāpapa Mate Āraikore o Aotearoa.
He Tohu Paerua (Kairangi) tā Te Herekiekie i roto i te Akoranga Māori nō Te Whare Wānanga o Tāmaki Makaurau.
Te Arikirangi Mamaku
Kaitohutohu Kōiwi Tangata
He uri a Te Arikirangi Mamaku nō Ngāti Awa, Tūhoe, Ngāti Makino, Ngā Puhi, me Te Arawa. I whānau mai, ā, i tipu ake i te papakāinga o Te Teko.
He pakari a Te Arikirangi i roto i te reo me ngā tikanga Māori, tae atu hoki ki ngā mahi kapa haka. E kaingākau anō ia ki ngā toi ataata, hītori me ngā reo kē.
He kanikani te mahi a Te Arikirangi mai 2000 ki 2003 mō te Kahurangi Māori Dance Company i haerea te Raki o Amerika. Nō tōna hokinga mai ki Te Whanganui-a-Tara i mahi a ia mō Toi Māori Aotearoa.
I mua i tēnei mahi, i mahi a ia mō Shell New Zealand hei kaiwhakangungu, tohunga take kaupapa, tohunga whakarato kaiutu.
Tania Te Whenua
Pou Rangahau Rautaki Kōiwi
He uri a Tania Te Whenua nō Tūhoe me Te Whakatōhea.
He Tohu Paetahi, he Tohu Paetahi i ngā Ture Hoki a Tania i roto i te Whakahaere Rawa Māori. He matatau a ia ki ngā tikanga me te reo Māori.
I tīmata a Tania ki te mahi hei kairangahau ā-kirimana mō te Hunga Whakahoki Kōiwi i Akuhata 2008. I mua i taua tūnga e mahi ana ia hei Kairangahau Matua Mātauranga Māori i Te Papa. I taua tūnga rā, nāna i rangahau te whakarite hou i te whakaaturanga Mana Whenua.
Whakaako anō a Tania i ngā kaupapa whakarite mātauranga i roto i te reo Māori me ngā tikanga mō Te Whare Wānanga o te Ūpoko o te Ika a Māui me te rāngai tūmatanui.
Nicola Kiri Smith
Pou Rangahau Rautaki Kōiwi
He uri a Nicola Kiri Smith nō Taranaki, Ngāti Maniapoto, Ngāti Mahuta, Ngāti Toa Rangatira, me Ngāti Pikiao. I whakatipua ia ki Opunake, ā, i noho ki Kirikiriroa mō ētahi tau. I hunuku mai ki Te Whanganui-a-Tara i Noema 2007.
I haere a Nicola ki Te Whare Wānanga o Waikato, ka riro mai he Tohu Paetahi i ngā Pūtaiao Pāpori (Kairangi) i roto i te akoranga pāpori me te akoranga tangata. Ko ēnei anō kei a ia, te Tiwhikete ā-Motu mō te Ahurea Maori me te Hītori o Aotearoa, me te Tiwhikete ā-Motu mō te Akoranga Rorohiko. He kaiwhiwhi nō mua a ia o te Karahipi Rangahau Raumati me te Child Accident Prevention Foundation o Aotearoa.
I mua i Te Papa, i mahi a Nicola i Te Whare Wānanga o Waikato, te Kōti Whenua Māori o Waikato-Maniapoto, me te Taraipiunara o Waitangi. E kaingākau ana a ia ki te ture whenua Māori, te whakapapa, te hītori Māori, te pupuri i ngā tikanga, me ngā momo rangahau i te ao pāpori-pūtaiao.
Amber Kiri Aranui
Pou Rangahau Rautaki Kōiwi
He uri a Amber Kiri Aranui nō Waikato, Ngāi Tahu, Ngāti Tūwharetoa, me Ngāti Kahungunu. I whānau mai, ā, i tipu ake a ia i Heretaunga ki Te Whanganui-a-Tara.
I mua i tōna haerenga mai ki te Rōpū Whakahoki Kōiwi (Repatriation Team), i mahi a Amber mō te Heritage Team ki Opus International Consultants. I reira i whakahaerea e ia ētahi rangahau huakanga me ētahi pūrongo puta noa i te takiwā raro o Te Ika a Māui me Te Waipounamu.
Kua oti anō i a ia te whakahaere ētahi tātai huakanga me ētahi rangahau mō Te Papa Atawhai. I roto anō ia i ngā huakanga nunui i Te Whanganui-a-Tara, Taranaki, me ngā takiwā o te Moana-a-Toitehuatahi.
He Tohu Paerua i te Mātai Huakanga tā Amber nō Te Whare Wānanga o Tāmaki Makaurau. He pakari ōna here ki ētahi iwi me ētahi hapū nā aua tau e 5 i te mahi huakanga.
He ngākaunui tō Amber mō te rangahau, otirā mō te hītori Māori me te whakamahi i te weu ki Aotearoa me ngā moutere whānui ake o Te Moananui-a-Kiwa. Ka mauria mai e ia tēnei ngākaunui me ngā tau roa ki te Rōpū Whakahoki Kōiwi.