Ko te tikanga o te ingoa nei, he ‘paepae pupuri taonga’. E rua ngā whakapuakanga o te ingoa nei i roto i ngā whiti me ngā waiata. Kei kō atu i te kotahi te tikanga o ia whakapuakanga.
Papa
Hei whakahua:
- i a Papatūānuku – me Aotearoa e tū nei te Whare Taonga
- i te papahou (he pouaka whakairo) me te whenua i arohaina – arā ko te papakāinga.
Tongarewa
Whakaatu ai a Tongarewa ki:
- tētahi momo pounamu pērā i te kōhatu mauri kei Te Marae
- ētahi atu momo taonga, pērā i te tangata rangatira i arohaina.
Nā reira he whakamāramatanga mō te katoa o te ingoa ko tēnei: ‘ko tō mātou paepae taonga me ngā tāngata i pupū ake i a Papatūānuku i Aotearoa nei.