Tūnga
Ko Andy Millard te Kaiwhakahaere Rōpū Pakihi i Te Papa. Hora ai te Rōpū Pakihi i te maha o ngā tikanga mahi moni a te Whare Taonga. Ko ētahi o ngā mahi nei ko te kimi tautoko, te hoko whānui me te whakawhitiwhiti, te hoko takitahi, te whakatānga, te manaakitanga, me ngā mahi huihuinga.
Ōna kāwai
Mai i Hune 2009 a Andy hei Kaiwhakahaere Rōpū Pakihi i Te Papa. I mua i tērā koia te Kaiwhakahaere Matua o te Hokohoko me te Whakawhitiwhiti Kōrero ki Ihi Aotearoa (SPARC). I reira, koia i te whakahaere i ētahi whakahau nui pērā i a Push Play me Mission On.
Kua angitu kē a Andy i roto i āna tūnga whakahaere me te hokohoko i Ahitereiria me Aotearoa. He matatau a ia mō te hāngai a te umanga ki te umanga me te umanga ki te kaihoko, engari ko tōna tohungatanga kei te takiwā kē o te whakahaere whānui, te whakatakoto rautaki me te āta tātai i te hokohoko. I kō atu i te 25 tau a ia e mahi ana mō ētahi kamupene hokohoko matua i roto i te kāwanatanga, te hanganga, te tuku taonga, te taiwhenua me te hoko takitahi.
Nō Perth a Andy, he Bachelor of Business Studies tāna nō te Edith Cowan University. Kua kapi āna akoranga ā muri i te tohu i roto i te hokohoko, te ture, te whakahaere rautaki, me te whakahaere i te rerekētanga i te Edith Cowan University, te Harvard Business School, me Te Whare Wānanga o te Ūpoko o te Ika a Māui.