Wira Gardiner DCNZM (Heamana)
Nō Ngāti Awa, Ngāti Pikiao, Te Whakatōhea me Te Whānau-a-Apanui a Wira. Ka 20 tau a Wira Gardiner e mahi ana hei hōia, ka whakatūria ko ia te Kaiwhakahaere mātāmua o te Taraipunara o Waitangi. Mai i tērā wā, e hia kē ana tūranga kaipakihi, kaitiaki, kaiwhakahaere hoki i roto i te rāngai tūmatanui me te rāngai tūmataiti. E whai ake nei ētahi o ērā tūranga, arā, ko Wira te Kaiwhakahaere o Te Rākau Whakamarumaru (Civil Defense), ko ia te Tumuaki Matua o Te Tira Ahu Iwi (Iwi Transition Agency), o Te Puni Kōkiri, ko ia te Heamana o Te Māngai Pāho. Kua tū hoki a Wira hei Kaitohutohu Rautaki mō Te Matatini.
Kua tū a Wira hei kaitakawaenga mō ngā Kerēme o Te Tiriti o Waitangi, nō na tata nei tana tūranga hei Kaitakawaenga a te Karauna mō te kerēme o Tūhoe. |
|
Miria Pomare
Kua whai Tohu Paerua i te Mātauranga Tōrangapū a Miria Pomare mai i Te Wānanga o Hawai'i. Nō Ngāti Toa Rangatira, nō Ngāti Mutunga, arā, nō Te Upoko o te Ika a Miria. He rahi ana wheako e pā ana ki ngā take kāwanatanga ā-rohe, ā, he hua tēnei tūāhuatanga i āna tūnga mō ōna iwi i roto i ngā tau, i tana mahi hei kaikōmihana whakawā. Kua hipa atu i te tekau tau ia e mahi ana i roto i ngā Kerēme, ā, kei te mārama marire a Miria ki ngā tikanga whakahaere i te whakataunga o ngā kerēme Tiriti. He wahine mārama ki ngā take e pā ana ki ngā tikanga Māori, me kī, mai i te wā i a ia e nohinohi ana, kua piri a Miria ki ōna marae, ki ōna iwi. He kaitiaki a Miria, ā, kua riro mā tōna whānau tētahi kohinga taonga (Māori me te Pākehā) e manaaki. Kua mau i a Miria ngā uara o te āta tiaki i ngā taonga tuku iho. Koia tētahi huarahi e mārama ai te tangata ko wai ia, ā, ki ōna taura here ki te whenua e takoto mai ana. |
 |
Hon. Dr Michael Bassett QSO
I tana tūranga hei Minita mō Te Tari Taiwhenua, nōna ngā whakaritenga mō te wāhi e tū mai nei a Te Papa Tongarewa, nōna hoki te tono mō ngā hoahoa mō te whare nei, ā, tae atu ki te pūtea mātāmua e whakamahere ai te hanganga o Te Papa Tongarewa. He maha ana minitatanga i a ia i te Whare Miere hei minita mō te kāwanantanga Reipa i ngā tau 1984-1990, pērā i Te Manatū Taonga, Te Rākau Whakamarumaru, Te Manatū Hauora, me Te Tari Taiwhenua. Ko Michael te Heamana o te New Zealand Lottery Grants Board me te 1990 Commission, nō te Kōmihana nei ngā whakaritenga mō te whakanui i te 150 tau mai i te hainatanga o te Tiriti o Waitangi. He rongonui a Michael mō āna mahi hei tumu kōrero mō te tōrangapū o Aotearoa, he maha āna pukapuka haurongo mō ngā pirimia o Aotearoa. Tekau tau ia hei mema o te Taraipunara o Waitangi (1994-2004), i tū anō ia hei Ahorangi Tumu Kōrero o Aotearoa ki te Wānanga o Western Ontario me te Wānanga o Georgetown ki Washington DC. |
 |
Christopher Parkin
He maha ngā tūranga o Christopher Parkin i te rāngai pakihi, i te rāngai whare/whenua, me te rāngai haumi. Kua roa ia e tautoko ana i ngā mahi hākinakina me ngā mahi toi i Pōneke. Nōna te Museum Hotel, nōna anō ngā whakahaere mō te nekenga o taua whare moe mai i te takutai ki tua o te rori o Cable ki tōna tūranga i te tau 1993. E hia kē ngā tau a Chris hei kaitiaki o Hannah Playhouse Trust (Downstage Theatre), hei Heamana o te St James Trust, ā, he Kaikaunihera mō Pōneke hoki a ia i ngā tau 1992-2001. |
 |
Philip Carter
He nui te takoha ā-hapori o Phillip Carter ki ngā toi me te kāwanatanga ā-rohe o Ōtautahi. He Kaikaunihera o te Tāone Nui o Ōtautahi i mua, ā, he kaiwhakahaere hoki a Phillip o te Tauranga Rererangi o te Ao i Ōtautahi. Ko ia te Kaitukupūtea Matua o Christchurch Heritage Week i ngā tau 2000–2007. Ko ia anake te kaitukupūtea mō Te Puna o Waiwhetū (Christchurch City Art Gallery), ko ia te Kaitukupūtea o te Taiopenga Toi mō ngā tau e waru, i te tau 2009 ko ia whakaruruhau nō Te Waipounamu mō te Venice Biennale.
Ko ia te Kaiwhakahaere Matua o te Ohu Kamupene a Carters. |
 |
Wendy Lai
He hoa kaipakihi a Wendy Lai i te kamupene tohutohu pakihi a Deloitte, ā, he mātanga i te rautaki me ngā whakahaere. Nā ēnei pukenga āna i whai mahi ia hei āwhina i ngā pakihi tūmataiti me ngā tari tūmatanui maha i Aotearoa me Ahitereiria. He pukenga ia i te whakahaere panoni. I whai tohu ia mai i Te Whare Wānanga o Tāmaki Makaurau, ā, i tohua e te Karauna hei mema o Te Wai Āwhina (Poari Hauora ā-Rohe o Waitematā). |
 |
Fiona Campbell
Kei Wanaka a Fiona Campbell e noho ana, he ringare kōata, he kaihoahoa hoki āna mahi i mua atu rā i tana tū hei kaitautoko ā-pūtea i ngā kaupapa toi. Ko ia tētahi o te hunga nāna i whakaara te kaupapa Real Art Road Trust – he taraka waka toi, e poi haere ana i te nuku o te whenua, ki ngā kura rau kei tua whenua i te tau.
Ko tētahi aronga o te kaupapa Real Art Charitable Trust, he tautoko i ngā ringatoi me ngā whare toi kei ngā tāone iti, mā te tā puka rārangi toi, mā te pūtea ngā kaupapa pāho ki rāwāhi e utu, mā te utu paraihe me te utu kaimahi.
I te tau 2009, ko Fiona Campbell te papatū o te National Business Review (NBR) Sponsorship of the Arts Awards. |
 |
Evan Williams
Ko Evan Williams te Heamana tawhito o te umanga rōia o Chapman Tripp me te Pōari o ngā Matapopore o te Auckland City Mission.
I ako, i whakaako hoki a Evan i te ture ki Te Whare Wānanga o Te Ūpoko o te Ika a Māui i mua i tana kuhu hei rōia mō ngā take ture arumoni o Aotearoa, o te ao nui tonu. He mātanga whakatakoto rautaki, whakahaere whakaritenga me te whakatutukitanga o ngā kaupapa nui i te rāngai pūngao, i te rāngai pūngao hiko hoki.
Nō te ngahuru tau kua hipa ake nei, i āna rawa whenua i Aotearoa tōna aronga. I aronui a Evan ki ngā kaupapa tūhonohono ā-iwi, ki te atawhai i ngā rawa whenua, i ngā tikanga whakahaere i ōna whenua tahamoana.
Ko ētahi kaupapa ngahau āna, ko ngā pukapuka wero hinengaro, ko ngā toi, ko te atawhai i tēnei taonga tuku iho a Papatūānuku, ko te hīkoi me te mahi pāmu. |
 |