Mō Te Papa

Ko Te Papa te whare taonga ā-motu o Aotearoa, e mōhiotia ana mō tōna piringa ki ngā tikanga e rua, mō tōna tohungatanga, mō ōna rerekētanga me āna mahi ngahau. I angitu ai mātou nā te āhei ki te hono ki te iwi me te tū hei māngai mō rātou.

E rima ā mātou kohinga: Toi, Hītori, Te Moananui-a-Kiwa, Mātauranga Māori, me te Ao Tūturu. Whakawhiti ai ā mātou whakaaturanga, ā, he mea whakamīharo ā mātou mahi me ā mātou kaupapa akoranga. Atu i ērā, kei te ora ā mātou mahi hoko, tētahi he wāhanga tā, tētahi he whakahaere hui, ētahi he toa hokohoko.

Pānuitia i konei ō mātou tūranga i raro i te ture, ā mātou kaihautū, me ngā kaitautoko. Tirohia ā mātou mahi i waenganui i ngā hapori, ngā iwi me ngā whare taonga. Huraina ngā kōrero mō mātou me te whare kaitā nei. Rapua ngā rawa pāpāho me ngā mahi kei te wātea.

Te hanganga ture me te kawenga

He hinonga karauna a Te Papa e whakahaerea ana i raro i te Museum of New Zealand Te Papa Tongarewa Act 1992. Tutuki ai tā mātou Tauākī Whakamaunga Atu ā-tau ki ngā herenga ā-ture kia pānuitia ā mātou whāinga mō ngā tau e 3 ki mua. Tātai ai te Pūrongo ā-Tau i ā mātou mahi ki ēnei whāinga. Kei konei aua pepa.
Poari, ngā kaiwhakahaere, hanga o te rōpū whakahaere

Kawea ai ngā mahi nui o te Whare Taonga e te Poari o Te Papa. Aratakina ai te Whare Taonga e te Tumu Whakarae me te Kaihautū Māori, ā, tautokona atu ai e ngā kaitohutohu e rima. Tūtakitia te Poari me te rōpu whakahaere matua, ā, tirohia te hanga o tō mātou rōpū whakahaere.
Ngā kaitautoko

He pai te whakawhanaunga a Te Papa ki ōna kaitautoko whānui, ētahi ko ngā tari kāwanatanga, ko ngā iwi, ko ngā umanga, me ētahi atu rōpū ā-iwi, me ētahi rōpū motuhake.
Ngā iwi me ngā whare taonga

Ko te National Services Te Paerangi te wāhanga o Te Papa mahi ai me ngā whare taonga, me ngā iwi, me ērā atu momo rōpū o Aotearoa. He Kaupapa Whakaaturanga ā-Iwi anō tā Te Papa. Tāpiri atu, ko mātou kei te kawe i te whakahokinga mai o ngā kōiwi tīpuna ki ō rātou papakāinga mā roto i te Karanga Aotearoa Repatriation Programme.
Te aronga a te iwi whānui

He kaha a Te Papa ki te mahi i roto i te hapori. Tētahi o āna whāinga nui, kia tū hei kanohi, ā, ka inoi ki ngā iwi whānui ake o Aotearoa. He wāhi pai mō tēnei ko te Community Gallery. He pakari anō ō mātou here ki ngā iwi o ngā Moutere – he mihi ki te whai wāhi o Aotearoa i roto i Te Moananui-a-Kiwa.
Tō mātou whare

He tohu whenua te whare o Te Papa kei te manawa o Te Whanganui-a-Tara, titiro whakawaho ai ki te ākau o te moana. Toroa ngā kōrero tika mō te waihanga o te whare. Tirohia ngā kōrero mō ētahi mea hira – pērā i Te Marae, ngā waharoa, ngā kōhatu kei te tomokanga, me te paoro nui kei roto i te tomokanga.
He kōrero mō mātou

Ko te tīpuna o Te Papa ko te Colonial Museum, he whare iti noa, he mea hanga i te rākau i tūwhera i te tau 1865. Huraina ngā kōrero mō mātou mai i ēnei pūtake iti ki te whare whakahirahira o nāianei. Tirohia te whakarerekētanga o ō mātou ingoa me ō mātou kaihautū i te wā – me te tikanga o te ingoa o nāianei.