He rauemi hei awhina 

He nui ngā pukapuka me ngā pae tukutuku e titiro ana ki te āhua papawhenua o Aotearoa, me ōna mōrearea o te ao tūturu.

Anei ētahi pukapuka pai:

Awesome Forces

Hicks, Geoff, & Campbell, Hamish, eds. 1998. Te Papa Press, in association with EQC and GNS, Wellington

He tino pai tēnei pukapuka mā ngā ākonga me ngā kaiako. He rawe ngā kōrero mō ngā mahi a Papatūānuku i mua i tā te pukapuka āta aro atu ki Aotearoa me ngā take i pēnei ai te nui o ōna hapanga mātātoa me ōna puia. Ka kōrero ia wāhanga mō etahi momo mōrearea, hui atu hoki ki ērā momo mōrearea e kōrerotia ana i roto i te rauemi nei.

Slumbering Giants - The volcanoes and thermal regions of the central North Island

Cox, Geoffrey J. 1996. HarperCollins, New Zealand

Ka titiro tēnei pukapuka ki ngā puia me ngā takiwā ngāwhā o te puku o Te Ika: Taupō-nui-a-Tia, Rotorua, Tarawera me ētahi atu. Kei roto ko tētahi rārangi pukapuka kua āta kōwhiria.

The Restless Country - Volcanoes and earthquakes of New Zealand

Cox, Geoffrey J. 1999. HarperCollins, New Zealand He tīmatanga pai tēnei ki te mōhio mō ngā rū me ngā puia (tae atu ki ērā e moe ana) i roto i Aotearoa. Kei roto tētahi rārangi o ētahi atu pukapuka hāngai hei kōrero.

Fountains of Fire - The story of Auckland’s volcanoes

Cox, Geoffrey J. 2000, HarperCollins, New Zealand

Kei te tirotiro i ngā kōrero e pā ana ki ngā puia e whā teka mā waru o Tāmaki-makau-rau. He rawe ngā whakaahua.

Rocked and Ruptured - Geological faults in New Zealand

Aitkin, Jefley J. 1999. Reed Books, New Zealand

I whakaputaina tēnei pukapuka me te whai wāhi a te Institute of Geological and Nuclear Sciences. He hōhonu atu tā te pukapuka aro atu ki ngā hapanga papa whenua huri noa i Aotearoa me ngā kōrero e pā ana ki aua hapanga. He rawe te wāhanga e pā ana ki ngā huarahi rapu pārongo a ngā kaipūtaio me ā rātou ine i te ngoi o ngā rū whenua. Kei roto hoki he wāhanga pukapuka tohutoro hei kōrero atu.

The shaping of New Zealand

O’Flaherty, Brian. 2002. Reed Children’s Books, New Zealand

Nō te rārangi New Zealand Wild tēnei pukapuka. Kei roto tētahi hītori poto, māmā hoki o te whanaketanga o tō tātou aorangi, me te āta hāngai atu ki tō Aotearoa whanaketanga. Kei roto te whakaahua tino whakamōhio o Aotearoa nā NIWA (kei roto hoki taua whakaahua i te whakaaturanga Awesome Forces, kei Te Papa) e whakaatu ana i te wāhi e tūtaki ai ngā wāhanga nekeneke.
Anei ētahi rauemi mātauranga papai:

As Safe As Houses?

Nā te EQC, i roto i te whakarōpūtanga o Te Pou Taki Kōrero, 2000
E whai ana tēnei pukapuka i ngā taumata 3-4 o te New Zealand Health Curriculum. Kei roto he pukapuka iti, he rīpene ataata, me ētahi pānui he A4 te rahi.

Auckland Volcanic Hazards

Nā te Auckland Regional Council me te GNS i whakahiato, me te āwhina a te EQC

Kei te whakaatu mai tēnei pānui rawe, whaikano, he A2 te rahi, i ngā pānga pea o tētahi hūnga i Tāmaki-makau-rau me ōna takiwā pōtae. Kei roto hoki he pārongo mō ngā taumata whakatūpato mō ngā hūnga, mō te tūponotanga o te hūnga, mō ērā atu mōrearea hoki pērā i te whānakotanga, te kānga o te whare, i te aha atu.

The Science of the Taupo Volcanic Zone Te Taonga Tuku Iho i Ngatoro-i-Rangi (Kits 1 and 2)

Peters, Julia. 1995. Foundation for Research, Science and Technology, New Zealand

Kei te hōpara ēnei kete i ngā āhuatanga katoa o te Rohe Puia o Taupō-nui-a-Tia - i ngā kaipūtaiao e āta tirotiro ana, i ētahi pārongo e āta hāngai ana ki Taupō-nui-a-Tia, ki ngā pūnaha ngāwhā, ki Te Rākau Whakamarumaru, ki te aha, ki te aha atu.

Kua whiwhi kē te nuinga o ngā kura o Aotearoa i ēnei rauemi. Tonoa atu ētahi atu kura i tō rohe (kura tuatahi, tuaraua hoki) mēnā he kete tā rātou hei mino māu. Tēnā pea ka taea tonutia e koe ēnei kete te hoko.

Kei te tūtohutia ēnei pae tukutuku

http://www.gns.cri.nz/kids/index.html
He rārangi whārangi mā ngā tamariki tēnei kei runga i te pae tukutuku a te Institute of Geological and Nuclear Sciences.  Kei reira he pārongo mō ngā rū hou tonu huri noa i Aotearoa, mō ngā taumata whakatūpato o ngā puia, mō te aha, mō te aha. Ka taea hoki e koe te kite ngā mahi a ngā puia i tēnei wā tonu mā te Volcano Cam - tonoa ō ākonga ki te rapu i te puia kei runga a Dino (o ngā Flintstones) e tū ana.

http://www.eq-iq.org.nz/
This website has been developed by EQC and shows people how they can prepare for hazards including earthquakes, tsunami, volcanic eruptions. It also tells the stories of some notable natural disasters that have occurred in our geologically volatile country and gives people a chance to test their natural disaster IQ.

http://www.eqc.govt.nz/
Koinei te pae tukutuku a Te Earthquake Commission. He whai take mō te kimi pārongo whakamōhio mā ngā kaiako, ehara mā ngā ākonga.

http://www.gns.cri.nz/store/publications/index.html
Mā tēnei hononga koe e tari ki ngā whakaputanga a te GNS, tae atu ki ngā pūkapuka, ngā pānui, ngā mātārere tērā e āwhina i a koe ki te ako mō ngā kōrero papawhenua whakaongaonga o Aotearoa. Kei te arotau ngā pānui mō te akomanga.

http://www.gns.cri.nz/what/earthact/tsunami/index.html
Mai i a Hui-tanguru 2005 e whakaatu ana tēnei pae tukutuku i ngā mea katoa e tika ana kia mōhio koe mō ngā ngaru āniwhaniwha - mai i te tīmatanga mai, tae atu ki ngā mutunga iho pea mō Aotearoa

Tēnā whakamahia ngā pae tukutuku o tō kaunihera ā-rohe nō te mea kei runga he pārongo whakahaere mōrearea mō tō rohe. Ko te tikanga, kei runga hoki he rauemi rawe mā ngā kaiako me ngā ākonga. Anei ētahi tauira:

http://www.gw.govt.nz/emergencies/
Te Wellington Regional Council

http://www.arc.govt.nz/council/civil-defence-emergency-management/natural-hazards/earthquakes.cfm
Te Rauhītanga Taiao (Auckland Regional Council)

http://www.solarviews.com/eng/earthint.htm
Kei te tūhura tēnei pae tukutuku i te hanganga o Papatūānuku, o ngā wāhanga nekeneke, me ngā iakawe. Ka pai mā ngā ākonga pakeke atu, mā ngā kaiako rānei hei kōrero whakamōhio.

http://www.exploratorium.edu/faultline/activezone/activities.html
Ka rawe ēnei whakamātautau mō te akomanga! Kei te aro atu ki te whakakūterenga o te whenua, ngā ngaru rū, me ngā aha atu.

http://www.volcano.si.edu/world/region.cfm?rnum=04
Koinei te pae tukutuku a te Global Volcanism Program site - kei te titiro ki ngā mahi a ngā puia huri noa i te ao. Kei te aro atu te whārangi nei ki ngā puia o Whītī me Aotearoa.

Awesome Forces kei Te Papa

Ka whakareia ngā wheako ako o ō ākonga mā te pekanga mai ki Te Papa - ahakoa māu anō e ārahi, ahakoa kua tāpuia hei wāhanga o tētahi o ā mātou hōtaka ako.

Awesome Forces
Kei te Papa 2 a Awesome Forces, ā, ko tēnei tētahi o ngā whakaaturanga mauki e tino paingia ana. Kei te whakaatu i ngā āhua e hanga ai ngā wāhanga nekeneke, ngā hūnga me ērā atu taipana o te ao tuturu, i tētahi o ngā papawhenua tino hurihuri rawa o te ao.

School programmes
Ka mauria atu koe e tēnei ki Learning @ Te Papa e āhei ai ngā kaiako ki te rapu i ētahi kōrero anō mō ngā hōtaka akoranga hei tautoko i ā rātou mahi me tēnei rauemi.

Online self-guided resources
Kua hangaia tēnei rauemi hei whakamahi mā ngā kaiako e pīrangi ana ki te ārahi i ngā toronga a ō rātou akomanga ki Te Papa. Kei roto he pārongo mō ētahi mea ka kitea i te whakaaturanga Awesome Forces, pēnei i te Whare Rū.

Tai Awatea | Knowledge Net
Ko te Tai Awatea | Knowledge Net te pātengi raraunga rongorau ā-ipurangi a Te Papa. Whakamahia ki tāu ake rorohiko, ki ngā rorohiko puta noa i Te Papa, ki te tūhurahura i ngā kōrero, i ngā tāngata, me ngā kaupapa e noho tūāpapa ana ki ngā taonga i Awesome Forces, ki ētahi atu whakaaturanga hoki o nāianei, o mua hoki.