He maha ngā taonga a te Māori hei whakarite i te tangi a te manu – ngā rau rākau, ngā tīwai pokorua, me ngā kōhatu pokorua. He rite te āhua o te karanga weka kei roto i te whakaahua nei ki te nguru iti nei, ki te kōauau rānei. Ka whakatangihia kia rite te oro ki te tangi a te weka. Nā Clem Mellish tēnei karanga weka i whakairo, ka takohatia e ia ki Te Papa i te tau 1997 hei wāhanga o te kohinga puoro o Haumanu. I hangaia ki te pounamu.