Taonga pūoro 

Kei te ara haere ake te whakamahia o ngā taonga pūoro, pēnei i te pūkaea, te hue, me te pūtātara. Mō te wā whakanui i a Matariki mō tenei tau, ā te wā huritau mō te Kuini, arā te paunga o te wiki, kei te haere mai a Richard Nunns, a Brian Flintoff, a Warren Warbrick me James Webster ki te whakaatu i ngā toi mō te hanga, me te whakatangitangi i ngā taonga puoro Māori nō neherā.

I ngā wā o mua he maha ngā whakamahitanga o ngā taonga pūoro, pēnei i te karanga i ngā toa taua, hei whakaatu kaupapa ki tangata kē, me te whakaatu raruraru. Kei te whakamahia hoki hei whakaaraara i te atatū, hei kawe tono ki ngā atua, hei whakaatu i ngā wā o te tau kei te tika mō te whakatō i ia momo hua whenua.