Poi 

Poi

E ara ra e kui mā e koro mā
ki te whiu o te rangi
a tāku poi
ki te ao nei e

Mai rā anō e noho ana te poi hei wāhanga whakaongaonga, ngahau hoki o ngā toi whakakite a te Māori. Kei te whakaatu te poi, he torohanga o te kaiwhakakite, i te whānuitanga o ngā tikanga whiti mā te pāhekohekotanga o ngā nekenekenga, ngā tohu me ngā kare ā-roto.

Kitea ai hoki te poi i ngā wā whakanui ā-iwi, pērā i te whakatuwheratanga o ngā wharenui me te whakarewatanga o ngā waka. Tohua ai ētahi tikanga poi i te pikinga o te kāhui whetū, o Matariki, mō te Tau Hou Māori.

Ka whakamaiohatia te tautōhito me te whakahoutanga o te raranga me te whatu Māori mā te āhua e hangaia ai ngā momo poi rerekē. E pēnei ana te kī a te tohunga raranga, a Erenora Puketapu-Hetet (nō Te Āti Awa), te kaitīmata i te whakanuinga poi i Te Papa:

E āhei ana mātou katoa, te hunga raranga, whatu hoki, ki te whakatītina i te whakaoranga anō o te poi mā te whakamahara i te tangata ki te huhua noa o ngā rawa e ahurei ana ki ō mātou ake takiwā ā-iwi. Ka taea e mātou te whakatenatena mā te toro atu ki ngā wā o mua me te tiki atu i reira i te mātauranga o ō mātou tūpuna. He tokomaha kei te herea i te tau nei ki te whakanui i a Matariki mā te whakaongaonga i te tangata me te whakaoho anō i te poi me ōna tikanga ki roto i te ao nei.