Te Wā o Te Huringa II (1900 – ki nāianei)
He hieke nō nāianei nā Te Aue Davis o Ngāti Maniapoto i whatu, ā, i hokona mai e te Whare Taonga i te tau 1997. I whakamaua e te Pirinihi Karauna o Hapani hei tohu o tōna mana, i tā rāua ko te Piriniha Karauna torotoro i Te Papa i 2002.
I ara ake te ngākau o Te Aue ki te mahi pākē neinei, i tana rongo i te kōrero a tōna kaumātua nō Otaua i Kaikohe mō te pai o te neinei ki te papare wai, ka kohia ana i te wā tika o te tau.
Ko te papa o te hieke he mea whatu ki te muka, e toru ngā momo hukahuka kua whatua ki roto. Nō te neinei ngā hukahuka whero. He papare wai ēnei. I ēnei momo pākē, kei te whāia ngā tikanga tuturu, ā, he pīngao kōmā, koura kē ngā hukahuka.