Ngāti Porou, Rongowhakaata, Ngāti Kanohi (Ngāi Te Rīwai), Ngāti Kaipoho (Ngāi Te Aweawe)
Kei te ahu mai ngā hoahoa i ngā tauira tuku iho, me te wātea noa ki te whai i tā te kaitoa e hiahia ai.
Whakaaro nui ai ō tatou tīpuna ki te wairua auaha, ki tō te tangata āhei ki te hanga i tētahi mea hou mō te iwi.
Kei te kitea nuitia a Derek Lardelli hei tētahi o ngā kaitoi tā moko pai rawa o Aotearoa. Kei te āta rangahaua ia moko e waihangaia ana e ia ki te whakaata i te whakapapa, i te hītori me ngā kaingākautanga whaiaro o te kaiwhiwhi. Ahakoa kei te whakamahi ia i ngā taputapu hiko o ēnei rā, kei te whakaata āna mahi i tōna whakaute hōhonu ki ngā taonga tuhu iho a ōna tīpuna.
I runga anō i ana mahi whakaako, mahi toi, me tōna mōhio ki ngā kōrero a ngā tīpuna ka whai tūranga a Derek hei kaiako matua i te Toihoukura, i te Kuratini o te Tairāwhiti, i Tūranga-nui-a-Kiwa. Kei te whakapau kaha ia ki te whakamārama i te whakaora anō o te toi tā moko me tōna hiranga wairua, ā, kua whai wāhi atu ki te maha o ngā whakaaturanga me ngā hōtaka mahi i Aotearoa nei, i tāwāhi hoki.
Tirohia te taiwhanga āhua o Derek Lardelli e mahi ana i Te Marae.
Ko te tohunga ko Derek Lardelli tēnei me tana kaiāwhina me Patrick Takoko e tā ana i te moko o Joe Harawira.
Whakapā ki konei, kia kitea.