Rangi Kipa 

Taranaki, Te Atiawa Nui Tonu, Ngāti Maniapoto

Aro atu ai taku aronga kaitoi i ēnei tau tekau kua hipa ki te whakaora anō i ētahi āhua toi Māori i āta awetia i te tukanga taipūwhenua i Niu Tīreni.

E ahu mai ana … te tā moko … i taku aro atu ki te ahurea ā-rawa me ngā toi taketake o aku tūpuna, i ngā mahi whakangungu i a au hei kaitoa mai i te tamaititanga. Ko te pūtake o te nuinga o aku mahi toi ko ngā tikanga toi taketake.

Mā te ako anō ki ngā tikanga taketake ka āhei koe ki te mōhio ki ngā momo whakaaro o ō tātou tūpuna me tō rātou whanaungatanga ki te taiao. He mea tuku iho ēnei tukanga puta noa i te mano tau, nuku atu, i noho ai rātou i konei me te whakawhiti kore whati o te mauri ki ngā whakatipuranga whai ake. He kuāha ēnei tērā e tuku i a tātou ki te hīkoi tahi me ō tātou tūpuna o mua.

I tīmata a Rangi Kipa hei kaiwhakairo i muri i te whakaotinga i tētahi Tītohu Whakairo Māori i te Kura Whakairo o Maraeroa, i Porirua me te whiwhi i tētahi tohu paerua i roto i ngā Toi Ataata Māori, i te Kunenga o Pūrehuroa. I kauhau ia mō Ngā Toi me ngā Hoahoa Māori o Nāianei i te Kura Hoahoa o Pōneke.

Kei te mahi ināianei hei kaitoi, hei kaitā moko, hei kaiwhakairo, hei kaiwhakahaere o tōna kamupene, o artmaori ltd, i Ngā Motu. Hanga ai, whakatangi ai hoki ia i ngā taonga puoro Māori taketake.

Tirohia te taiwhanga āhua o Rangi Kipa e mahi ana i Te Marae

Ko te tohunga ko Rangi Kipa tēnei me tana kaiāwhina me Shane Ranginui e tā ana i te moko o Reuben Moses.

Whakapā ki konei, kia kitea.