Richard Francis 

Te Arawa

Tēnā rā ia tuwhera, te poka ki Te Reinga
Ki te ahi tipua, ki te ahi tawhito
Ki te ahi tapu a Uetonga, e.
Kei reira ko ngā pūkenga, kei reira ko ngā wānanga.

He pai ki a au te mahi tā moko, te peita me te hanga whakairo rākau hanga ahutoru te āhua.

Nā ngā mōteatea, ngā haka me ngā waiata i puta mai ai he papa taketake, he mea kaha, hei arataki i aku mahi.

Nā aku haerenga ki tāwāhi hei ākonga whakawhiti ki Hawai’i, ki Te Hononga o Amerika, ki Hāmoa, ki Iuropi, ki Noumea me Korea ka piki ake taku mahaki ahurea ki te whānuitanga o ngā ahurea, ina koa, ka whanake haere taku whakamaioha katoa ki ō tātou ake taonga tuku iho - te ahurea Māori.

I puta atu a Richard Francis i te Hōtaka Toi Ataata i Toihoukura, Te Kuratini o te Tairāwhiti, i Tūranga-nui-a-Kiwa. Mai i taua wā i whiwhi ia i tētahi titohu whakaako, ā, e noho ana ia i Rotorua. He kaitoi, he kaiwhakakite anō hoki ia. He nui ngā taiopenga i taea atu e ia pēnei i te Taipoenga Toi o ngā Moutere o te Moana-nui-a-Kiwa, i Noumea (2001) me te Taipoenga Gwanju Biennale, i Korea ki te Tonga (2002). Kua whakakitea ana mahi i ētahi whare tongarewa, me ētahi taiwhanga whakaatu hoki.

Tirohia te taiwhanga āhua o Richard Francis e mahi ana i Te Marae

Ko te tohunga ko Richard Francis tēnei me tana kaiāwhina me Paki Wilson e tā ana i te moko o Tanerore Manawaiti.

Whakapā ki konei, kia kitea.