Riki Manuel 

Ngāti Porou

Nā te tā moko kua ora anō taku aro atu ki te tūhura i ngā hoahoa nō te mea he rerekē ki ērā atu rawa tā e whakamahia ana e au. Wero tonu i te hinengaro nō te mea ina whakairo te tangata i te rākau, kāore he raruraru ki te hē te hae o te whao, ka whakatikatia taua mahi hē. He mea rerekē te kiri. He nui ake te whakapātari o te tikanga e whāia ana e au mō te tā moko i ērā e whāia ana i roto i ērā atu rawa tā.

He pai ki a au te tā whakaahua, ā, ka taea e au te whakamahi aku pūkenga tā whakaahua i roto i te tā moko me te hanga i ngā rārangi tā.

Ehara i te rite ki ērā atu mahi e mahia ana e au - ngā mahi toi ka noho i runga whata. Kei te ora nō te mea e mauria ana e te tangata e hīkoi haere ana. He mea koiora.

He kaitoi tā moko tautōhito a Rikirangi Manuel, he tohunga whakairo hoki e mahi ana me te rākau, te pounamu, te kōiwi me te uku. Kei a ia tōna ake taiwhanga whakaatu, Te Toi Mana Māori Gallery, i Ōtautahi, ā, kei taua whare tōna wāhi tā moko.

He paetahi ia o te New Zealand Maori Arts and Crafts Institute i Rotorua, ā, he maha ngā tau e whakaako ana ia i ngā toi Māori. I whai wāhi ia ki ngā whakaaturanga whakairo i ngā whenua pēnei i Hingapō me Hōrana. Ko ētahi o ana mahi ko tētahi poupou mō te Marae Wikitoria o Ōtautahi (1995), ko ētahi moana he mea peita, he mea whakairo mā te Tari Māori o Te Whare Wānanga o Waitaha (1998), ko tētahi Waka Taua mō te Tau Rua Mano, ā, i nā noa nei, he moana pakitara mō Te Mana Ārai o Aotearoa i te Taunga Waka Rererangi o Ōtautahi (2002).

Tirohia te taiwhanga āhua o Riki Manuel e mahi ana i Te Marae

Ko te tohunga ko Riki Manuel tēnei e tā ana i te moko.

Whakapā ki konei, kia kitea.