Whare Rū - Awesome Forces 

Whare Rū - Awesome Forces

Curriculum links

Ngā Tino Wāhi Ako

  • Pūtaiao
  • Tikanga-ā-Iwi
  • Hauora

Ka noho i raro i ēhea whenu?

  • Pūtaiao – Papatūānuku me ērā atu Aorangi
  • Tikanga-ā-Iwi – Te Whakaraupapa ā-Pāpori
  • Hauora – Ngā Hapori me ngā Taiao Hauora

Ngā Tino Pukenga

  • Pūkenga Whakawhitiwhiti Kōrero
  • Pūkenga Mōhiotanga
  • Pūkenga Whakaoti Rapanga

Ngā Reanga

2-5 

Ngā tau

2-11

Ki runga ano

E tautoko ana i ēhea kaupapa kōrero?

  • Ngā Parekura
  • Te Pūtaiao ā-Papatūānuku – Te Aro ki ngā Rū Whenua me ngā Puia
  • Ngā Kōrero Pūrākau 

 E hia te roa o tēnei mahi?

Ka pau ētahi meneti e rima – ka rere noa te whakaaturanga, ā, ko te tikanga, ka tīmata i ia rua meneti. I tō taenga mai, tēnā pea me tatari kia mutu te rōpū i mua i a koe. Pai kē atu te kuhu atu ki roto i te whare rū i mua i te whakaaturanga o te rīpene ataata, i te kuhu atu i roto tonu i te whakaaturanga kia mōhio ai ngā tāngata i te horopaki o te nekeneke me te rū.

Ki runga ano

Ka kimihia ki hea?

  • Te Papa tuarua, Awesome Forces.
  • Kua ngaro koe? Me pātai ki tētahi Kaimanaaki Manuhiri.

He aha te take me heri au i taku akomanga ki tēnei taonga?

  • Tomo mai ki roto i te whare ki te rongo i tētahi ueuetanga o muri he mea whakataruna o te rū whenua i Edgecumbe i te tau 1987. I te ueue haerenga o te whare, titiro ki te urupatu tēnā pea ka tūpono atu ki tō whare ā te wā ka heipū pea te rū whenua nunui – me te hoki atu ki te kāinga me te kī taurangi ki a koe anō ki te whakamaru i tōu ake kāinga i ngā papānga o te rū whenua!
  • He wheako rumaki ka āta whakamārama i te kaha urupatu ka tūpono atu ki te whare i roto i tētahi rū whenua.
  • Ha pai tēnei ki te tangata e ako ana mā te mahi.

Ki runga ano

He aha ngā mahi kei taua whakaaturanga?

  • Titiro ki ‘What’s shaking’ me ‘Quakes online’, i te taha o te Whare Rū, kia mōhio ai koe mēnā kua pā mai tētahi rū whenua i roto i Aotearoa i te rā nei. Kei te whakaatu mai a ‘Quakes online’ i ngā rū whenua ka pā atu ki ētahi takiwā e toru i Aotearoa, ā, ka tuhia mai ngā raraunga ā taua wā tonu.
  • Titiro ki te wheku whakairo o Rūaumoko, te atua Māori o ngā rū whenua me ngā puia, kia kite i tētahi tirohanga Māori e pā ana ki ngā rū whenua me ngā mahi a te puia. E kōrerotia ana ngā kōrero pūrākau mō Rūaumoko i roto i a Papatūānuku, te whare tapere paku i tua i te pakitara, i raro i a Rūaumoko.
  • Titiro ki te whakaahua e whakaatu mai ana i ngā hapa matua e rua o te rohe o Te Whanganui-a-Tara.
  • Kuhuna ki roto i te whare, ā, ākuanei ka tīmata mai te rū.· I muri i te whakaaturanga, whakamātauria te paheko ‘Get ready for the big one’ i muri i te ine rū whenua Hainamana a Zhang Heng, i te Awesome Forces.
  • Tangohia tētahi pānui whakamārama e kīia ana ko Quake safe your home mai te pouaka mēra e te putanga atu i te Whare Rū.

 Ki runga ano

Me aha taku mōhio ki tēnei whakaaturanga?

  • Te rū whenua kei Edgecumbe 1987, 6.6 te inenga rū whenua. Kei te whaihanga te Whare Rū i tētahi ueuetanga o muri.
  • He tāone i hangaia i runga i tētahi hapa kaha a Pōneke, pēnei i Kobe i Hāpana me San Francisco i Te Hononga ki Amerika. Kei te rongohia tētahi rū whenua pāpaku ia wiki i te itinga rawa i raro i a Pōneke.
  • Neke atu i te 15,000 ngā rū whenua i rongohia ia tau i Aotearoa nei.
  • Te hanga hapa – riakatia ai ētahi kōhatu i roto i te kirinuku o Papatūānuku e ngā nekeneketanga o ngā wāhanga nekeneke. Ka makohatia, ka korotētia, ka takawiritia aua kōhatu. Ka tae ki te wā e kore e ukaukatia te riaka, ka maroro haere, ā, ka ngawhere. Ka piere, ka tīhaehae, ā, ka puta mai he whatinga roroa, e kīia ana he hapa.
  • Ngā hapa makoha - ina makohatia te kirinuku, ka piere ngā kōhatu, ka mania te wāhanga kei tētahi taha o te whatinga ki raro i tērā atu – me te whakakī i te āputa i tūhuratia e te mahi makoha. Ko te pūtake o te rū whenua i Edgecumbe ko tētahi hapa e kīia ana he hapa ‘māori’.
  • Ngā hapa korotēte - ina korotētia te kirinuku, ka piere ngā kōhatu, ā, ka peia te wāhanga kei tētahi taha o te whatinga ki runga ake o tērā atu. Ko ngā nekenekehanga pēnei i te hapa i White Creek te pūtake o te rū whenua i Murchison i te tau 1929. Ka tapaina tēnei ko te hapa ‘kōaro’, te hapa ‘kokomo’ rānei.
  • Ngā hapa mania atu – ka taea ngā wāhanga kōhatu te horopū whakatehuapae tētahi ki runga i tētahi i ngā wā e whati ana aua kōhatu. Mā aua nekenekehanga e whakaputa he koromeke i roto i ngā rārangi torotika – ka kitea mārikatia ēnei i ngā wāhi pēnei i ngā rori, ngā kūkūpango tawhito, me ngā taiepa. E kīia ana ēnei he hapa mania ‘pātuki’. Ko te tikanga, whakaatu ai aua hapa i te whānuitanga o ngā nekenekehanga kōtaha, poutū hoki.
  • Ko ngā ngaru ‘P’ (ngā ngaru matua, ngā ngaru ‘pei’ rānei) ērā ngaru e 20,000 km i te haora te tere o te haere, ā, ko te pūtake aua ngaru o te oro haumaru, māorooro hoki e rongo ana koe i mua tata tonu ake i tētahi rū whenua. Ko ngā ngaru ‘S’, ngā ngaru (tuarua, hātepe rānei) 10,000 km i te haora te tere o te haere. Ka kōtaha te ueue a ēnei i te whenua, ā, ko ēnei ngaru te pūtake o te nui rawa atu o ngā tukitukinga.
  • Ko te āwhata Modified Mercalli tētahi tikanga e whakamahia ana ki te ine i ngā papānga o te ueue haere o te taiao ka kitea. Kei te āhua piki ake o te whakatauranga o te rū whenua te nui haere ake o te tukitukinga ka tūpono mai. He huarahi kē te āwhata Richter mō te ine i ngā hawahawa o te rū whenua e mōhio ai koe ki te maha o te pūngao i wetekina ai i te pūwāhi o te rū whenua.

Ki runga ano

Ētahi Kaupapa Hei Matapakinga pea

  • Kei te mōhio koe ki ētahi atu rū whenua rongonui huri noa i Aotearoa?
  • He aha pea ngā rawa pai rawa atu hei hanga i tō whare ki tētahi rohe ka nui te tūponotanga ka pā mai tētahi rū whenua? He aha ai? Matapakia e koutou ko ngā tamariki i ngā rawa pai rawa atu. He rawa pai te rākau, nō te mea he pīngore atu i te raima, te rino rānei.
  • He aha te māorooro e rongo ana koe i mua i te ueuetanga? Matapakia e koutou ko ngā tamariki ngā ngaru ‘P’ me ngā ngaru ‘S’ me ngā rerekētanga. Ko ēhea te pūtake o ngā tukitukinga nui rawa atu? Ko te mahi a te ngaru ‘S’, he ueue kōtaha i te whenua, ā, nā aua ngaru te nui rawa atu o ngā tukitukinga.
  • He aha ngā rerekētanga i waenganui i te āwhata Modified Mercalli me te āwhata Richter? (He tikanga ine rū whenua me ngā wheoi.) Matapakia ngā rerekētanga.
  • Me aha koe mehemea ka pā mai te rū whenua i a koe i te kāinga? I te kura? Matapakia e koutou ko ngā tamariki me aha i te wā rū whenua, hei tauira, te tū i roto i te tatau, te huna rānei i raro i te tēpu, te aha, te aha.
  • He aha pea ngā momo tukitukinga ka tūpono mai i tētahi rū whenua nunui? Tonoa ngā tamariki ki te matapaki i ahatia te tūmere i waho i te Whare Rū, me te take i pērā ai te turaki. Tēnā pea, mā rātou e whakatau te huarahi ka whāia ki te aukati i taua turakinga.
  • Kua wheakotia he rū whenua e tētahi? Inahea? I hea? I ahatia?· He aha te pānga o te rū whenua ki ngā mahi a te puia? Whakakōrerorerotia e ngā tamariki ō rātou ake ariā e pā ana ki tēnei. Ka taea e tētahi rū whenua tētahi hūnga te whakatīmata, ā, ka taea e te puia tētahi rū whenua te whakatīmata. Ko ngā wāhanga nekeneke me te kirinuku o Papatūānuku tētahi hononga i waenganui i aua mea e rua.

 Ki runga ano

Ngā kōrero kīnaki

  • Tai Awatea, Te Papa’s online resource. Look under Awesome Forces
  • www.geo.ed.ac.uk/quakes/magnitude.html
  • www.eqc.govt.nz 
  • www.gns.cri.nz
  • Te Aka Matua Te Papa Library and Information Centre, Papa 4
  • Ansell, Rebecca, and Taber, John. 1996. Caught in the Crunch: earthquakes and volcanoes in New Zealand. Auckland: Harper Collins.
  • Williams, R O. 1987. Survey Data from Horizontal Monitoring Across the Edgecumbe Fault Trace, March-June 1987. Lower Hutt: DSIR.
  • Blick,G H. 1987. Survey Data from Vertical Monitoring Across the Edgecumbe Fault Trace, March-June 1987. Lower Hutt: DSIR
  • Herbert-Gustar, A L. 1980. John Milne: father of modern seismology. Tenterden: Norbury.
  • McGregor, Robert. 1989. The Great Quake: the story of the 1931 Hawke’s Bay earthquake. Napier: Regional Publications.

Ki runga ano

He Taonga Whai Pānga

  • NatureSpace, Papa 2, kei tua atu i te whakaaturanga Mountains to Sea. Kei konei ka kite koe i ngā pukapuka e pā ana ki te pūtaiao ā-taiao me te papawhenua. Ka wātea hoki tētahi kohinga o ngā kōhatu kōngutu, kāhuarau, hore hoki hei akotanga māu.
  • Bush City, Papa 1, kei waho atu i te Te Papa Cafe. Kei konei ka kite koe i te pakitara paparanga kōhatu me ngā āinga papawhenua ka auaha i tō tātou whenua. Ka kite hoki i ngā paparanga pungarehu puia me tētahi mahere o te wāhi whai puia o Tāmaki-makau-rau.
  • Quake braker,Papa 1, kei waho i te tomokanga matua ki Te Papa. Kei konei kite koe i ngā hangarau (ngā taonga wete i te whare i tōna pūtake) hei whakarite kia whakamarua a Te Papa i te rū whenua nunui. Ka kite hoki i te āhua whakamahi i tēnei taonga parapara nā Aotearoa huri noa i te ao.
  • Randell Cottage, Papa 4, kei te Inspiration Station Discovery Centre. Ka taea i konei te titiro whakamuri ki te tau 1855, ki te wā i pā mai tērā rū whenua i ueue i a Pōneke, me ngā ueuetanga o muri i haere tonu mō te rua wiki.
  • Te pakitara matua o Te Papa – me te inarapa kua purua i waenganui i ngā moana o te pakitara. Ahakoa titiro koe ki hea i roto i Te Papa, ka kite koe i te inarapa i waenganui i ngā moana pakitara hei whakamaru i te whare mēnā ka heipū mai tētahin rū whenua. Ka kite hoki i te pakitara matua i whakatūria whakararatia ki ngā hapa o Pōneke me Ōhariu.
  • He wheako whakaari a Papatūānuku e kōrero ana i ētahi pūrākau Māori, e tū ana i waenganui i te Mountains to Sea me te atua o ngā rū whenua, a Rūaumoko, kei Awesome Forces. Ka ako koe i konei ki ngā tirohanga Māori e pā ana ki ngā rū whenua me ngā puia.
  • Ka kite koe i ngā rārangi hapa matua i Te Whanga-nui-a-Tara mai i runga i te pikitanga, i Papa 4 i mua i te tomokanga atu ki a Rongomaraeroa, te Marae o Te Papa.
  • Golden Days, Papa 4, kei raro i te waka rererangi Tigermoth. Ka titiro whakamuri i konei ki ētahi o ngā parekura taumaha rawa o Aotearoa, tae atu ki ngā rū whenua. Tata ki te 16 meneti te roa o te whakaaturanga nei.

Ki runga ano

Proudly supported by

earthquake

gns