Te Toa Aotearoa kei te Kokonga 

Kiwi corner store

Curriculum links

 Ngā tino wāhi ako

  • Tikanga ā-Iwi

Ka noho i raro i ēhea whenu?

  • Te Ahurea me ngā Tuku Ihotanga
  • Ngā Rawa me ngā Mahinga Ohaoha
  • Te Ao Hurihuri 

Ngā tino pukenga

Pūkenga Pāpori, Paheko Hoki, Pūkenga Whakaaro, Pūkenga Whakamahi Reo, Tohu me ngā Kupu.

Ngā reanga

Tikanga ā Iwi taumata 1-8, Ngā Toi taumata1-4

Ngā tau

1–13

E tautoko ana i ēhea kaupapa kōrero?

  • Te Hītori o Aotearoa
  • Ngā Tohu Ahurea o Aotearoa
  • Te Porihanga o Aotearoa – I mua, I nāianei hoki
  • Ngā Whakahoutanga me ngā Tenenga
  • Te Pāngarau me te Porihanga

ki runga ano

E hia te roa o tēnei mahi?

  • Tukuna kia 20–30 meneti.

Ka kimihia ki hea?

  • Kei te Inspiration Station Discovery Centre, Papa 4.
  • Kua ngaro? Pataihia tētahi Kaiārahi i Te Papa. 

He aha te take me heri au i taku akomanga ki tēnei taonga?

  • He ‘toa’ whakangahau, he toa pāhekoheko Te Toa Aotearoa kei te Kokonga kei roto i te Inspiration Station Discovery Centre.
  • Kei te whakaaturia mai i taua wāhi he momo taonga rongonui, he tohu ahurea pea, nō Aotearoa.
  • Kei te whakarato tēnei Toa Aotearoa kei te Kokonga i ngā whai wāhitanga rawe mō te whakaako pūkenga pāngarau.
  • Kei te wātea tētahi kaimahi i Te Papa hei āwhina me te ārahi i a koe huri noa.
  • He ngāwari te puta atu ki taua wāhi.

ki runga ano

He aha ngā mahi kei taua whakaaturanga?

  • Rapua ngā pātene pāwhiri, ka whakarongo ai ki ngā wheako o te tangata me ngā maumahara ki ngā toa i Aotearoa.
  • Kumea ngā hautō ki te rapu i ērā mea o roto i hokona rā i ngā toa kokonga i ngā tau maha o mua.
  • Hokohoko haere me te kimi i ngā mea i runga i ngā rārangi hoko e whakaratohia ana.
  • Whakatairitea ngā moni uka me ngā moni pepa tawhito o Aotearoa ki ngā mea o nāianei.
  • Mirimiria he wāhi pepa kei runga i tētahi uka ki te penerākau, ka mau atu ki te kāinga.
  • Rangahaua ētahi taonga toa i ngā wā rerekē o te hītori o Aotearoa.
  • Whakatairitea ngā utu mō etāhi taonga i 1970, 1980, 1990, me 2000.
  • Tatauria ngā utu ki te takatātai, ki te tātaitai rānei.
  • Rapua ētahi momo taonga nō Aotearoa e rongonui ana me te whakatairite i pēhea te panoni, kore panoni rānei o te waitohu me ngā toi waitohu i te haerenga o te wā.
  • Ākona te whakamahi o ngā whārite toa ki te ine i te taumaha o ētahi mea.
  • Hoahoatia tētahi uka, ka whakamātau rānei ki te whakaoti i te panga taonga o Aotearoa.

ki runga ano

Me aha taku mōhio ki tēnei whakaaturanga?

  • He wāhanga Te Toa Aotearoa kei te Kokonga o te Inspiration Station Discovery Centre, tētahi o ngā Discovery Centres e whā kei Te Papa, i āta hangaia mā ngā tamariki e 7–12 tau te pakeke.
  • Kei te arotahi te Toa Aotearoa kei te Kokonga ki ngā rerekētanga ka pā ki te mahi hokohoko i te huringa o te wā.
  • Kei te whakaatu i ngā taonga e noho ana hei tohu ahurea mō Aotearoa.
  • Kei te kōrero mō ngā wheako tūturu o te tangata i roto i ngā toa o Aotearoa.
  • Mai i ngā tau tōmua o te rautau 19 tutuki ai ngā whakaritenga hoko mai a ngā iwi o Aotearoa i ngā toa o te takiwā.
  • Kei te whakaatu mai tēnei whakakaaturanga i ētahi tohu ahurea e mōhio whānuitia ana.
  • Kei te whakaatu te Toa Aotearoa kei te Kokonga i te āhua e panoni ai ngā pūnaha moni, ngā utu hoko me ngā momo tākai i te takanga o te wā.

Ētahi kaupapa hei matapakinga pea

  • Matapakia he panoni matua e pā ana ki te hokohoko, hei tauira, ngā utu, ngā momo taonga me ngā pūnaha moni.
  • Matapakia he aha tēnei mea te pūnaha moni me te whanake haere o te pūnaha moni ki Aotearoa.
  • Whakatakunetia te hoko mai me te hoko atu i ngā taonga mā te whakamahi i tētahi hake ukauka. He aha koe i kōwhiri ai i aua taonga?
  • Huaina tētahi wā hira, pēnei i te Kirihimete, i te hararei rānei. Me hoko mai koe i ēhea taonga mō aua wā hei hoatu ki tō whānau?
  • Me pupuri i ēhea taonga i tō whare kei tūpono mai he parekura? Ka taea te hoko ētahi i tēnei toa?
  • Whakatairitea te takatātai me te tātaitai. Ka pēhea te takatātai e mahi ai? He māmā atu ki a koe te tatau tau mā te whakamahi i te tātaitai?
  • Whakarongo ngā mahi pāhekoheko ā-rongo, ka matapaki ai i ōu ake wheako hokohoko. He pārekareka, he rorirori rānei, he kino rānei ō wheako kei ngā toa i Aotearoa?
  • Rapuhia i roto i te toa ētahi taonga ka noho hei tohu ahurea i Aotearoa. Whakatairitea te āhua i panoni ai te tākai, kāore i pānoni rānei, i te huringa o te wā. Mēnā ka whakaaetia koe ki te hanga i tētahi momo tākai, ka whakamahi i ēhea momo hoahoa? Ka āhei koe te hua i ētahi ariā hou mō te tākai taonga?
  • Mēnā ka whakaaetia koe ki te hoahoa i ētahi momo moni, ka tuhi koe i te aha ki ia taha
    o tētahi uka?
    o tētahi moni pepa?

ki runga ano

Ngā kōrero kīnaki

Tai Awatea | Knowledge Net, te rauemi ipurangi a Te Papa.