Ko tōu reo, ko tōku reo
Te tuakiri tangata.
Tīhei uriuri, tīhei nakonako.
He aha a OurSpace?
Ko OurSpace he wāhi whakaaturanga rongorau, pāhekoheko hoki e whakamahi ana i te hangarau, ngā whakaahua ā-kāmera, me ngā rerenga ataata hei tūhura i ngā kaupapa tuakiri tangata o Aotearoa.
Ko OurSpace he wāhi whakaaturanga rongorau, pāhekoheko hoki e whakamahi ana i te hangarau, ngā whakaahua ā-kāmera, me ngā rerenga ataata hei tūhura i ngā kaupapa tuakiri tangata o Aotearoa.
Mā te kaiwhakamahi te atanga e whakahaere, ā, e urupare ana ki tā te ākonga e hiahia ai, mā te whakamahi i ngā hangarau ā-ipurangi hira e waia kē ai ngā ākonga.
Ka whai wāhi ki OurSpace ko Te Mahere Whenua, Te Pakitara, me ngā ekenga whakataruna e rua: Te Ekenga Hō honu, me Te Ekenga Teitei. Ka whakamahi te manuhiri i te hangarau hou rawa ki te whakaputa pārongo – hei hanga i tō na ake tirohanga o Aotearoa i runga i Te Mahere Whenua, me Te Pakitara.
He aha ngā whakarite kei OurSpace?
Ka uru atu he kaiako me ana ākonga ki OurSpace, ka hīkoi haere i te taha o te mapi arorangi tupua o Aotearoa. I a rātou e haere ana mā ia rohe, ka tūrama mai he whakaahua hāngai me ngā huranga ataata huri noa i a rātou.
Kei Ōtepoti e rua ngā kō whiringa ka taea, te haere whakatemauī ki ngā ekenga whakataruna, te haere whakatematau rānei ki te uru atu ki Te Pakitara. Mā te kaiako e tohu atu ki ngā akonga kia huri whakatematau, me te ahu atu ki ētahi mata rorohiko whakapā. Ka whakamahia e ngā ākonga ngā mata whakapā hei kō whiri whakaahua me ngā rawa pāpāho i te pātengi raraunga ā-mati a Te Papa, ka tukuna atu ki runga i Te Pakitara. Kātahi ka hoatu he ‘tira’ ki ngā ākonga hei arataki haere i ngā whakaahua me ngā rerenga ataata huri noa i te 18 mita o Te Pakitara.
- Nō ngā tukunga koha a te manuhiri, nō ngā kohinga a Te Papa, me ngā pūranga a TVNZ ngā rawa pāpāho e whakaaturia ana i runga i Te Mahere Whenua me Te Pakitara.
- Ka taea hoki e ngā kaiako te hoatu i ā rātou ake pūmahara USB, kōpaepae rānei kua utaina kētia ki ngā whakaahua tauwhāiti ki tētahi kaiāwhina o OurSpace. Ka hoatu e te kaiāwhina he nama ki te kaiako hei whakauru atu mā ngā ākonga ki ngā mata whakapā. Ka tuku ngā ākonga i ngā whakaahua ki te te pakitara.
Curriculum links
Wāhi Ako
Ka taea ngā wāhi ako o ngā marautanga kura tuatahi, kura tuarua hoki te torotoro i OurSpace.
Ngā tino āheinga
Te whakawhanaunga ki ētahi atu – ka pāhekoheko ngā ākonga ki te whānuitanga o ngā rawa pāpāho, ka hanga kō whiritanga e pā ana ki ngā whakaaro rerekē o ētahi tāngata. Mā rātou anō e whakarite he wāhi mahi mō rātou me ā rātou rongo kō rero.
Te whakamahi tohu reo me ngā tuhinga – ka whai wāhi ngā ākonga ki te wāhi o te whakaaturanga e arotahi ana ki ētahi wā whai maumahara o Aotearoa i ngā wā o mua, me te whakarato tirohanga maha o ngā wā o mua me te wā kei te heke mai.
Taumata Paetae
Taumata 1—8, tae atu ki te taumata Tuatoru
Rō pū ā-tau
Tau 1–13, tae atu ki te taumata Tuatoru
He aha ngā marau ka taea te tautoko?
- Te hītori i Aotearoa
- Te taiao o Aotearoa
- Te kō rero pūrākau
- Te tuakiri me te ahurea ā-motu
- Ngā toi ataata me te hoahoa
- Te hangarau whakamō hiohio
Me pēhea te roa ki OurSpace?
Tukua kia 30 meneti i te itinga rawa
- Kia 10 mineti mō Te Mahere Whenua
- Kia 20 mineti mō Te Pakitara
Allow for a minimum of 60 minutes if including the rides:
- 20 minutes at ‘The Deep’ - 12 seats
- 20 minutes at ‘The High Ride’ - 18 seats
Rides run on the hour and every 20 minutes; e.g 11am, 11:20am, 11:40am. Tickets must be booked at the Level 2 Information Desk.
Tēna koa kia maumahara, tēnā pea me tatari ngā ākonga ki te whakamahi i ngā utauta, nā te mea e tiritiria ana a OurSpace i te taha o ērā atu manuhiri ki Te Papa.
Ka kimihia ki hea?
- Level 2
- Lost? Ask a Te Papa Host
He aha te take me mau au i taku akomanga ki te toro i Our Space?
- He wāhi whakangahau a OurSpace mō ngā akonga hei āta torotoro haere i te ao tawhito me te ao o nāianei i Aotearoa. Mā te whakamahi i ngā rawa rongorau (tae atu ki te tūrama me te pūoru) e whakaratohia ai he urutanga maha ki te hītori o te whenua nei – mā te pēnei ka taea he huarahi rerekē, he kōrero rerekē, me te whakawātea atu ki te whānuitanga o ngā momo ākonga.
- Ka whakaritea kia whakamahi ngā ākonga i ngā nekehanga ā-tinana nui, iti hoki, kia kōwhiri, kia titiro ki ā ratou ake mahi, ki ngā mahi rānei a ētahi atu, kia whakawhitiwhiti kōrero, kia whakaraupapa rawa pāpāho anō hoki.
- Ka whiwhi wheako whai uara ngā ākonga mā tā rātou takoha atu ki tētahi wāhi whakaatu e whanake tonu ana. Ko ngā mahi e hangaia ana e ia ākonga e whakamōhiohio ana i ā ratou ake wheako me ō ērā atu manuhiri ki OurSpace.
- E rua ngā wāhi akoranga tauwhāiti ō OurSpace. Te Mahere Whenua, me Te Pakitara. Ki Te Mahere Whenua mā ngā ākonga anō e hura ō rātou huarahi uiui, e matatāu rānei mātakitaki ai i ētahi atu. Kei Te Pakitara ka whakamahia e ngā akonga ngā mata whakapā me ngā tira hei waihanga kōrero ataata, me ngā moana mā roto i ngā whakaari rongorau.
- Ka tautokohia pea ā ngā ākonga tūhuratanga o OurSpace ki ngā ekenga whakataruna e rua:
- ko te Ekenga Hōhonu he mahi mōrearea pūtaiao ki raro i te moana;
- Ko te Ekenga Teitei e whakaara ake i ngā rerenga kētanga o Aotearoa mā ngā whakataruna kī tonu i ngā mahi, ngā taura rere, ngā hākinakina mōrea, me ngā tangohanga kiriata nō mua rawa.
He utu anō mō ēnei, ka mutu me teitei ake te tangata i te 1.1 mita, ki te whai wāhi ki ngā ekenga.
He aha ngā mahi kei Te Mahere Whenua?
- Te hīkoi i te taha o tetahi mahere amiorangi tupua o Aotearoa! Mā ō tapuwae e whakaoho ētahi pūoko ka whakaatu i te whānuitanga o ngā whakaahua nō ngā rohe ake me ngā tangohanga ataata ki runga i ētahi mata whakaari. Ki te takahi atu koe ki runga i Pō neke, ka whakaatu mai he whare pī tupua, ki te takahi atu ki runga i te Paepapa Pokapū ka kite koe i ngā puia e hū ana.
- He huarahi whakaongaonga Te Mahere Whenua mō te hō rapa haere i te takotoranga papa me ngā ahurea o Aotearoa.
- Hīkoihia te paenga hapa o Aotearoa.
- Tatauria ngā puia, ngā pae maunga me ngā roto.
He aha ngā mea me mō hio koe mō Te Mahere Whenua?
- 14 mita te roa o Te Mahere Whenua, e 27 ngā pūoko, e 35 ngā mata whakaata.
- Kei te wātea ngā kaiāwhina o OurSpace hei āwhina.
- Ka āhei tētahi akomanga o te 30 ākonga te whai wāhi ki Te Mahere Whenua i te wā kotahi.
- Ka taea e tō akomanga te koha whakahua, wāhanga ataata rānei ki Te Mahere Whenua mā te paetukutuku o OurSpace i http://ourspace.tepapa.com. Me hāngai ngā rawa pāpāho katoa i takoha mai ki tētahi rohe ake.
- >Kei te pānaki haere te papa – ka hīkoi atu te manuhiri mā runga atu i ngā motu, ka mutu atu ki Waihō pai kei runga!
- Kāre he utu mō te uru atu.
He aha ngā mahi kei Te Pakitara?
- He rite Te Pakitara ki te tāporena waituhi tupua e mahi ai te hunga manuhiri. Mā ngā mata whakapā e tuku huarahi atu ki ngā mano rekoata ā-mati mō Aotearoa mai i te whānuitanga o ngā matatiki, tae atu ki TVNZ, ngā kohinga a Te Papa, me ngā hapori. Ka whakaaturia ngā whakaahua pai ki a koe ki runga i te pakitara 18 mita te roa hei moana, hei kō rero ataata, hei mahi VJ rānei.
- Whakamahia tētahi arotahi marautanga hei hanga kaupapa ki runga i Te Pakitara. Whakamahia te pātengi raraunga, tukuna atu rānei āu ake whakaahua, hoatu he paku whakamārama ki ngā akonga, ka matatāu kia kitea ka ahatia! Hei tauira: hoatu kia 10 meneti ki ngā ākonga hei kō whiri kia toru ngā whakaahua e whakaatu ana i te whakanuinga.
He aha ngā mea me mō hio koe mō Te Pakitara?
- 18 mita te roa o Te Pakitara.
- Kei te wātea ngā kaiāwhina o OurSpace ki te āwhina.
- E whā ngā mata whakapā papaku e pai ana mā ngā tamariki iti, mā rātou rānei kei rō kō rea.
- Ka āhei ngā akonga ki te tuku i ā rātou whakaahua mā runga pūmahara USB, mā runga kō paepae rānei, mā te tuku atu rānei ki te paetukutuku http://ourspace.tepapa.com i te kotahi rā i te itinga rawa i mua i te toro mai.
- Hei whakamahi i āu anō rawa pāpāho ā te rā e haere mai ai koe ki OurSpace (mēnā kāre anō koe i tuku atu ki te paetukutuku), hoatu tō pūmahara USB, tō kō paepae rānei ki tētahi kaiāwhina OurSpace, māna e hoatu he nama ki a koe kia taea ai ō whakaahua te whakaari ki runga i ngā mata whakapā.
- Ka whakamahi ngā ākonga i ngā mata whakapā hei whakaatu rawa pāpāho me te tuku atu ki runga i Te Pakitara. Mā te pupuri i te tira ka āhei te whakanekeneke, te whakahuri, te whakapoto, te whakanui, te whakahaere mai, te whakahāngai ariā tō runga, ariā kō ataata rānei ki runga.
- Ka taea e koe te mātakitaki i Te Pakitara i te wā tūturu i runga i te paetukutuku OurSpace, i http://ourspace.tepapa.com.
- 12 ngā tira me ngā mata whakapā hei whakamahi i te wā kotahi.
- Kāre he utu mō te hou atu.
He pātai hei matapaki pea
- Te tūhurahura i te tuakiri ā-motu: Kīia ai koe e koe anō he Kiwi? He aha te aronga o te noho hei Kiwi?
- Ngā wāhi whakaaturanga: He aha ngā ritenga me ngā rerekētanga o OurSpace hei whakaaturanga, ki Toi Te Papa Art of the Nation, Passports, Golden Days, Blood Earth Fire, Tangata o le Moana, me Mana Whenua?
- Ka pēhea tāu whakamārama i OurSpace? He aha ngā mea e tino rawe/kino ana ki a koe?
- He aha ngā whakaahua, rerenga ataata rānei ka hiahia koe ki te takoha ki OurSpace? He aha ai?
Etahi atu paetukutuku
Kei te whakaatu ēnei paetukutuku i ngā āhuatanga whakamaumahara i te hītori o Aotearoa mā ngā whakaahua, ngā rerenga ataata, me ngā taonga.