Curriculum links
Ngā tino wāhi ako
- Tikanga ā-Iwi
- Hangarau
- Ngā Toi
Ka noho i raro i ēhea whenu?
- Tikanga ā-Iwi – Te Ahurea me ngā Tuku Ihotanga, Te Wāhi me te Taio
- Hangarau – Te Hangarau me te Pāpori
- Ngā Toi – Toi Ataata - Maioha
Ngā tino pūkenga
Ngā Pūkenga Hīraurau, Ngā Pūkenga Mōhiohio, Ngā Pūkenga Whakawhitiwhiti Kōrero, Ngā Pūkenga Kōiri
Ngā reanga
1-4
Ngā tau
1 – 8
Ki runga ano
E tautoko ana i ēhea kaupapa kōrero?
- Te Pāpori o Te Moana-nui-a-Kiwa o Mua, o Nāianei
- Ngā Panoni Hou me ngā Tenenga
- Te Hītori o Aoteroa
- Te Kōrero Pūrākau
E hia te roa o tēnei mahi?
Me whakarite kia 15-20 meneti ki te torotoro i Te Huka ā Tai.
Ki runga ano
Ka kimihia ki hea?
- Te Papa 4, kei waenganui i te Mana Whenuame te Marae.
- Kua ngaro? Pātai atu ki tētahi Kaimanaaki o Te Papa.
He aha te take me heri au i taku akomanga ki tēnei taonga?
- Ko Te Huka ā Tai, tētahi o ngā Discovery Centres e whā kei Te Papa, e whakarato ana i tētahi wāhi pāhekoheko ko ngā tuku ihotanga me te hītori o te Māori te pūtake.
- Kua whakaritea tētahi kaimahi a Te Papa ki tēnei wāhi hei arataki i a koe, hei āwhina hoki i a koe.
Ki runga ano
He aha ngā mahi kei taua whakaaturanga?
- Tirohia ngā mahi toi tino pai nā ngā tamariki i tukuna mai e ētahi kura rerekē huri noa i Aotearoa.
- Titiro ki roto i te wakahuia kōwhai. Kitea ngā mea kua kōwhiria e ngā kaimahi o Te Papa me ētahi ākonga o ētahi kura hei whakaaturanga taonga.
- Whakarongo ki te mihimihi a Moana Maniapoto Jackson, ka kōrero ai i tāu ake.
- Ākona te whanaungatanga – ngā hononga ki tō whānau me tō whānau whānui.
- Tirohia tētahi rākau whakapapa e whakamahia ana e tētahi kaimahi ki te tātai whakapapa. Mā ngā kāniwha te kaikōrero e āwhina ki te mātau haere ki ngā whakatipuranga rerekē o ngā tīpuna.
- Tirohia te mahere Tapuwae Tīpuna e whakaatu nei i ngā ingoa Māori taketake mō ngā wāhi huri noa i Te Whanganui-a-Tara, he mea nunui, hira hoki i te hītori.
- Whakamaua ētahi kākahu ātaahua ko te hanga e ahu mai i ngā kākahu Māori taketake
- Mātaihia te rūma rangahau me ngā rauemi rorohiko kia kite i ngā pārongo mō ngā tuku ihotanga me te hītori a te Māori.
- Whakamātauria ō pūkenga piu poi.
- Tākarohia ētahi tākaro Māori taketake pēnei i te tī rākau, te mahi whai, me te ruru.
- Whakamātauria te raranga me te titiro ki ētahi taonga i hangaia ki te harakeke.
Ki runga ano
Me aha taku mōhio ki tēnei whakaaturanga?
- Ko Te Huka ā Tai tētahi o ngā Discovery Centres e whā kei Te Papa, ā, kei te Papa 4, pātata ki te wharepuni Mākōtukutuku.
- Kei te pā Te Huka ā Tai ki tētahi o ngā mauri e rua, arā he kōhatu, i mauria mai e Tāne i tana rapunga i ngā kete e toru o te mātauranga. Whakaurua ai te kōhatu mā, Te Huka ā Tai, ki roto i te waha o te ākonga hei tohu i tana takatū ki te ngongo mātauranga, ki te ako anō hoki.
- Ka whakarerekētia te iwi whakakī i te pae taumata i Te Papa i ia rua tau pea. He whakaaturanga tō taua iwi hei wāhanga o te whakaaturanga Mana Whenua. I taua wā hoki whakaaturia ai he mahi toi i Te Huka ā Tai mai i ētahi kura i roto i te rohe o taua iwi.
Ētahi kaupapa hei matapakinga pea
- Tirohia te mahere Tapuwae Tīpuna. Ka kitea he ritenga i ngā ingoa taketake me ērā e whakamahia ana i ēnei rā? Ki te pēnā, he aha aua ingoa?
- Ka taea te rapu he aha te tikanga o Te Huka ā Tai? He aha pea te take i huaina pērātia ai taua Discovery Centre?
- Tirohia ngā mahi toi a ngā tamariki. Kaua e titiro ki te tapanga, engari ki tō whakaaro e tohu ana te mahi toi i te aha? He aha ngā momo rawa tā i whakamahia?
- Titiro haeretia Te Huka ā Tai kia kite i ētahi kupu Māori e toru kāore anō kia kitea e koe i mua. Ka taea e koe ngā tikanga te rapu?
- Whakaarotia tētahi mea o tō ao ka kōwhiri koe hei taonga. He aha koe i kōwhiri ai i tēnā?
- Kōwhiria tētahi o ngā taonga nā ngā kaimahi a Te Papa. He aha, he aha pea tōna pūtake? Ki tō whakaaro, kua hangaia ki te aha?
- He aha ētahi mea hangaia ai ki te harakeke? Whakamahia ai hei aha?
Ki runga ano
Ngā kōrero kīnaki
Tai Awatea | Knowledge Net, te pātengi raraunga ipurangi o Te Papa.
He taonga whai pānga
Ki runga ano