Te Ngahere 



 

Curriculum links

Ngā tino wāhi ako

  • Pūtaiao
  • Hauora

Ka noho i raro i ēhea whenu?

  • Pūtaiao - Ō Mataora
  • Hauora - Te Taiao

Ngā tino pūkenga

Ngā Pukenga Kōiri, Ngā Pūkenga Whakaoti Rapanga, Ngā Pukenga Pāpori, Pāhekoheko hoki

Ngā reanga

1-8 

Ngā tau

1-13

Ki runga ano

 

E tautoko ana i ēhea kaupapa kōrero?

  • Te Taiao o Aotearoa
  • Pūtaiao e pā ana kia Papatūānuku
  • Pūtaiao ā-nuku
  • Te Pāpori o Aotearoa

 

 E hia te roa o tēnei mahi?

Kia rua tekau ki te toru tekau miniti mō te āta torotoro haere i te Bush City.

Ki runga ano

Ka kimihia ki hea?

  • Ki waho, kia puta mai te Wharekai i Te Papa tuatahi, whakawhiti I te piriti rānei kei te mutunga o te whakaaturanga Mountains to Sea I Te Papa tuarua.
  • Kua ngaro koe? Me pātai ki tētahi Kaimanaaki Manuhiri.

He aha te take me heri au i taku akomanga ki tēnei taonga?

  • He whakaaturanga ora, e tū ana i waho. He wāhi i hangaia mō ngā kaihōpara, ngā tauira o ngā kaimātai huakanga, kaitātai aro whenua, kaimātai huaota, kaimātai rauropi, me ngā kaimātai matawhenua ahupūngao. 
  • Te matahuhua o ngā tūmomo ngohe kei te wāhi kotahi.

Ki runga ano

He aha ngā mahi kei taua whakaaturanga?

  • Tūhuratia tētahi ana, kia kite i ngā titiwai, ngā keo tipu whakararo me ngā wheua moa - engari kia tūpato kei peke tētahi wētā ana ki roto i ō makawe!
  • Hīkoia te piriti tārere, engari kaua e titiro ki raro!
  • Karia tētahi tuahiwi mosasaur i te rua one.
  • Whakamahia te karu whātata ki te whai i te rārangi rū o Te Whanganui-a-Tara
  • Rangahaua ngā puia o Tāmaki Makaurau, me te ngahere i tipu huri noa i Te Whanganui-a-Tara i te takiwā o ngā tau e rua rau ki muri.
  • Titiro ki tētahi rere tahe puia me te tirotiro hoki i te puehu rauangi mai i ngā puia i te puku o Te Ika-a-Māui.
  • Haere ki te waihīrere e rere ana i runga i tētahi tahe puia, he mea ōnewa, whai hononga hoki.
  • Titiro ki te pakitara kōhatu greywacke, i te taha o te waihīrere.  Neke atu i te 180 ki te 220 miriona tau te pakeke o te kōhatu greywacke i te rohe o Te Whanganui-a-Tara, ā, ka whakaatu mai tēnei pakitara i te maha o ngā āhua pōkai, ripahapa tērā e kitea nuitia ana i roto i ngā kōhatu greywacke.
  • Āta titiro ki ngā kōhatu tawhito tata ki te waihīrere. Neke atu i te 530 miriona tau te pakeke, ka kite hoki i ngā tioata whaikano, me te whāwhā hoki i ngā kakano rerekē.

Ki runga ano

He aha taku mōhio ki tēnei whakaaturanga?

  • He whaitua ngahere a Bush Cityi hangaia anō kia taea e ngā manuhiri te haere i tētahi hīkoi poto ki roto i te ngahere. Ko te putanga ki Bush City, mā te piriti i te papa tuarua i roto i Te Papa e whakawhiti ana i te hāpua hori.
  • Ko te tikanga, ka kitea te nuinga o ngā otaota i Bush City i te takutai moana o Te Whanganui-a-Tara neke atu i te rua rau tau ki muri.
  • Ka whakaatu mai a Bush Cityi te whānuitanga o ngā taiao ā-nuku, me ngā āhua whenua e kitea noatia ana puta noa i a Aotearoa, ā, nō konei te pakitara greywacke, ngā pou ōnewa e hanga ana i te waihīrere, ngā ana pākeho, ngā āhua whenua i hangaia e ngā puia, tae atu ki ngā rahoto e kitea nuitia ana i Tāmaki Makaurau me ngā putanga puia o te rohe Taupō i te pū o Te Ika a Māui e whakaawetia ana e ngā putanga papanga o te puehu koropungapunga me ngā momo tahe puia mai i ngā kōhatu whai matā.
  • Ka kite hoki i te āhua moana, kei reira ngā paparanga o ērā momo parakiwai takere moana i kitea nuitia i te wā e kīia ana ko te Late Cretaceous (e 70 miriona tau te pakeke). Ka kite hoki i roto ko te parawae tuahiwi o tētahi Mosasaur i nehua ai i roto i ngā one kiripaka tūturu o te wā Late Cretaceous (mai i te rua i Fairfield, pātata ki Ōtepoti). Ka kitea hoki i ngā pakitara huri noa i te wāhi nei te whānuitanga o ngā parawae ā-moana o te wā Late Cretaceous tērā i kitea noatia i roto i ngā kōhatu o taua wā. Kitea nuitia ai aua momo kōhatu i ngā tōpito e whā o Aotearoa. Kei roto i ēnei parawae ko ngā momo matakahi; ko ngā belemite me ngā ammonite, he whanaunga ēnei ki ngā ngū; ngā wheke me ngā muheke; ā, kua whakarārangi tikahia kia pakeke haere atu ai ngā parawae e noho ana i tēnā, i tēnā o ngā paparanga o raro. Ka whakakitea hoki tētahi wāhanga pākeho tino hira o te wā Late Jurassic. Koinei te momo pākeho anake ka kitea i te rohe nei i roto i ngā greywacke. Kei te takiwā o te 146 miriona tau te pakeke, ā, nō te wāhi tata ki Mukamuka, i Mātakitaki, ki te taha rawhiti o Te Whanganui-a-Tara.
  • I whakaawetia ngā ana pākeho kei roto ko ētahi ara pōuri, ētahi keo tipu whakararo, ētahi titiwai, ētahi wētā ana me ētahi kōiwi o te moa ngaro e ngā ana o Waitomo. Kitea noatia ai huri noa i Aotearoa ngā tūmomo pākeho o waenga i te 30 ki te 20 miriona tau te pakeke (o te wā Oligocene ki te tīmatanga o te wā Miocene), ā, he tino āhua whenua e pā ana ki aua pāheko ko ngā ana. He wāhi tino pai ngā ana pākeho hei kite i ngā parawae kararehe (ina koa ērā o ngā manu) i mau ai i reira. Mā te tirotiro i ēnei tūmomo parawae ka ako tātou i ngā hītori ā-nuku o Aotearoa i ngā tau kotahi miriona kua hipa atu.
  • Ko te pakitara kōhatu rahi kei te taha o te waihīrere e tohu ana i te toka greywacke e 250 miriona tau te pakeke. E whakaatu ana i ngā āhua pōkai, hapa, auaha hoki tērā i puta mai i ngā āinga nui whakaharahara i roto i a Papatūānuku i pōkaitia ai, i wāwāhia ai hoki aua toka. He mea hanga te pakitara i runga i tētahi tāmore i roto i te greywacke i huraina i te tai hauāuru o Te Ika-a-Māui, wāhi o Whitireia i te wahapū o te whanga o Porirua. E ono tekau ōrau o te whenua o Aotearoa i hangaia ki te kōhatu greywacke. He momo kōhatu parataiao te greywacke kua hurihia hei kōhatu maopūroro. E ai ki ngā whakaaro ka whakahiatotia hei parakiwai i runga i te takere moana tata ki te rāngai raki-mā-rāwhiti o te wāhanga Queensland o Gondwanaland.
  • Tae atu ki te 530 miriona tau te pakeke o ngā kōhatu kei te taha o te waihīrere, ā,  ka noho ēnei hei taunikatanga mō te hononga o tēnei whenua onamata ki a Gondwanaland, he whenua tawhito rawa atu. I taua wā ka noho tahi ngā whenua o Te Kōpakatanga ki te Tonga,  o Awherika, o Ahitereiria, o Amerika ki te Tonga, o Īnia me Aotearoa. E whai ake nei ko ētahi o aua tūmomo kōhatu me ngā pakeke: Waingaro Schist (500-530 miriona tau), Cobb Valley Talc Magnesite Schist (500 miriona tau), Takaka Marble (440-460 miriona tau) me Charleston Gnesis (115 miriona tau). Titiro ki City Life! A Guide to Bush City mō ētahi atu kōrero.

 Ki runga ano

Ētahi kaupapa hei matapakinga pea

  • I ngaro koe i te ngahere me te hiakai hoki? Ka mōhio koe, ka taea te kai ētahi o ngā otaota i roto i te ngahere? Ko ētahi o aua kai, ko te aruhe, he tino kai a te Māori, pērā i te kūmara. Ko te pihi i waenganui pū o te nīkau he mea mākūkū ina kainga matatia, engari ka taea hoki te mamao i roto i te hāngi. I ngā wā o mua he kai waiwai a te Māori ko te karaka, ahakoa me āta tutu i roto i te wai māori, te wai tai rānei mō ētahi rā, wiki rānei kia tangohia ai te tāoke.
  • Kātahi anō koe ka hinga me te ripi i tō waewae, ka kai koe rānei i tētahi mea kino me te mamae haere o tō puku. Me aha koe kāore he rongoā patuero, paturopi rānei? Kei te mōhio koe, he ōrite ngā mahi a ētahi o ngā otaota i roto i te ngahere ki aua rongoā? E whakamahitia ana ngā tipu pēnei i te kawakawa hei whakaiti i te mamae niho me te hā haunga. Kainga ai, inumia ai rānei ngā toi rau o te koromiko hei whakakahore i te torohī me te ruaki. Inumia ai te tī manuka mō te kirikā, hei whakarere rānei i te mimi. Pania ai te kāpia harakeke ki ngā whēwhē, ki ngā motu, me ngā niho mamae. Titiro ki te pepa pānui mō te Bush City, i te tēpu pārongo i te papa tuarua, mō ētahi atu kōrero.
  • Titiro ki ngā whakapaparanga puehu nō Taupō me te pakitara pūtaiao ā-nuku i Bush City. I pēhea te hanga o ēnei whakapaparanga kōhatu, parakiwai hoki? Ko ngā paparanga kōhatu he whakapaparanga one, paru hoki o te whenua i whakahorotia kua whakatakotoria ki roto i te moana, ā, i korotētia, i pōkaitia, i hapa hoki e ngā tōpana māori (ngā tōpana nekeneke e ahu mai ana i te tukituki o te wāhanga nekeneke i roto i te kirinuku o Papatūānuku). Ko te tikanga, e kitea ana ngā paparanga hei tāhei o ētahi rawa he rerekē ngā tae, te hanga rānei, i huraina ai i roto i ngā pari maunga, ngā pari o te huarahi, ngā pā kōhatu me ngā tahataha awa. E tohu ana ia paparanga i tētahi momo putanga tauwhāiti – te parahua awa, te one, te repo waro, te taipū, te tahe puia, te aha, te aha.
  • Whai whakaarohia ētahi o ngā mahi a te harakeke. Whakaarohia te tūnga o te harakeke i te pāpori Māori, ina koa i mua i te taenga mai a te Pākehā. He maha me te rerekē ngā mahi a te muka harakeke. I hanga katoatia ngā kakahu, ngā whāriki, ngā kono, ngā kete, ngā taura, ngā rore manu, ngā whiwhita, ngā aho hī ika me ngā kupenga ki i te harakeke. I hoatu hoki he kākara he mea hanga ki te harakeke ki te pēpi. Ka kitea he harakeke e tipu ana i te taha o te hāpua i Bush City.
  • Ka whiriwhiria e koe te āhua o te huri haere o te Mosasaur i tētahi ngārara ora, hā hoki e kau ana i ngā tai huri noa i Aotearoa i ngā wā o mua, ki tētahi putu kōhatu tawhito?  Ka hangaia te parawae i te matenga o tētahi rauropi, ā, i rokina ai tētahi wāhanga o taua rauropi, ko te tikanga ka nehua i roto i te parakiwai. Ka taea tēnei momo nehunga i te takere mona, i ngā awa, i ngā roto, ka taea hoki i runga i te whenua mā te one kua pūhia e te hau, me te pūngarehu puia e taka mai ana, mā te mau rānei o taua ropi i tētahi rawa tāpiapia pēnei i te tā, te tarawai rākau rānei.
  • Titiro mā te karu whātata ki te tomokanga ki Bush City. Ka kite koe i te ripahapa o Pōneke? Ka whai haere te ripahapa nei mai i a Poneke mā te huarahi matua ki Te Awa Kairangi, ki Whakatiki. He aha te ripahapa? Kua whatiwhatia te mata o te whenua ki roto i ngā wāhanga kaitā, ā, kei te ahu atu tēnā ki tōna ake aronga, tēnā ki tōna ake aronga - e kīia ana ēnei ngā wāhanga nukunuku. Kei te noho paraha a Aotearoa i te rohe paenga o ētahi wāhanga nekeneke e rua. Anei e tukituki ana te Wāhanga Nukunuku o Ahitereiria ki te uru ki te Wāhanga Nukunuku o Te Mona-nui-a-Kiwa ki te rāwhiti. Kei tua atu i tērā, he rerekē te aronga e whāia ana e tēnā, e tēnā. Kei tua atu i te peinga ake o te whenua nā ngā tukitukinga o ēnei wāhanga e rua hei hanga i ngā Puke Māeroero, ko te hangaia hoki o ngā rū whenua i Aotearoa nei e aua tukitukinga.

Ki runga ano

 

 Ngā kōrero kīnaki

  • Kāre i te pai a Bush Citymehemea kāre i te pai te āhua o te rangi.
  • Ka wātea a Bush Cityki ngā kura ki te kai mehemea he rā paki, engari ki te kore e pai te āhua o te rangi, pātaihia tētahi o ngā kaimanaaki o Te Papa ki te mōhio ki te wāhi kai mō tō rōpū i roto i Te Papa.
  • He nui ngā kōrero whakamārama i roto te pepa pānui e kīia nei ko Bush City Guide, kei te tēpu pārongo i te papa tuarua.
  • He nui ngā kōnae i te Tai Awatea | Knowledge Net(te rauemi ipurangi a Te Papa).
  • He pai ngā kōrero o Te Papa Atawhai e pā ana ki ngā otaota o Aotearoa - www.doc.govt.nz
  • Tirohia tēnei pae tukutuktu http://www.geonet.org.nze whakahaerehia ana e te Geonet Project kia mōhio ai inahea i puta mai ai tērā rū whenua o nā noa nei.
  • http://www.gns.cri.nz/  te pae tukutuku o GNS Science, Te Pū Ao 
  • Tirohia tēnei pae tukutuku ki te whakarite kia noho haumaru tō ake whare http://www.eqc.govt.nz/
  • http://www.gns.cri.nz/outreach/qt/quaketrackers/ mō ētahi anō kōrero mō te kaupapa Quake Trackers. 

He taonga wahi pānga

  • Titiro ki ngā koiora o Aotearoa mai i te taumata o ngā pae maunga ki te hōhonutanga o te moana, i te whakaaturanga Mountains to Sea, i te papa tuarua.
  • Haere ki te whakaaturanga Awesome Forces, i te papa tuarua, ki te ako i ngā kōrero pūtaiao, ngā kōrero a Te Māori hoki, e pā ana ki te hanga i a Aotearoa.
  • Kei te wātea te Discovery Centre o NatureSpacei te papa tuarua, hei raweke i ngā taputapu e pā ana ki te taiao o Aotearoa.

  Ki runga ano