Kura Kaupapa - Kōanga 

Maori women and children on riverbank 1910, Lindauer, Gottfried (1839–1926), New Zealand. Purchased 2000 with New Zealand Lottery Grants Board funds. Te Papa
Maori women and children on riverbank 1910, Lindauer, Gottfried (1839–1926), New Zealand. Purchased 2000 with New Zealand Lottery Grants Board funds. Te Papa
Ngā Hōtaka Kura Kaupapa

Kōanga

Te Kaupapa:“Kāore te kūmara e kōrero mō tōna ake reka”

Te Whakatō: (He hui ā-ataata tēnei, e 45 mēneti–1 hāora te roa)

He iwi auaha te Māori, ā, i huri tōna aro ki te taiao i tōna hekenga mai ki Aotearoa. Ka kōrero mātou mō te whakahou tikanga i tēnei whenua hou. Ka rerekē te tirohanga ki te taiao, ki āna mahi, ki āna kai, me tōna oranga.

Te Whakatipu:(Tau mai ki Te Papa 10am – 2pm)

Ka aro atu ki ngā momo hangarau pērā i ngā pūkenga hanga whare me te whakatō kai.

Kātahi ka aro atu ki te taonga nei, ki te kūmara. Arā noa atu ngā pūrākau e pā ana ki te kūmara, ā, tae atu ki ngā tikanga me ngā taputapu mō te whakatipu kūmara hoki. Anei ētahi pātai hei whakaaro mā koutou:

  • He aha te whakapapa o te kūmara?
  •  I ahu mai te kūmara i hea?

Ka wehe atu tō kura, ka tau tētahi wero mā koutou. Ka aro atu ngā ākonga ki te whakahoahoa i tētahi momo hangarau whakatipu kūmara, pērā ki te timo. Kia hangaia katoatia ki te rauemi hangarua.

Te Hauhake: (He hui ā-ataata tēnei, e 45 mēneti–1 hāora te roa)

Ka hui ā-ataata anō tātou ki te aromatawai i te wero i whakatakotohia e mātou. Otirā, ka titiro ki ā koutou whāinga me ngā momo taputapu nā koutou i waihanga ki te kura.

Te wā tuku: Pipiri–Hereturikōkā

Ngā hononga ki te Marautanga:

  • Tikanga ā-Iwi; Te Ao Hurihuri, Te Wāhi me te Taiao,Ngā Mahinga Ohaoha
  • Hangarau; Ngā Āhuatanga o te Hangarau, Te Whakaharatau Hangarau 

Ngā Tau:0 – 8

Te utu: $3 te utu mō te hōtaka katoa, mō ia tauira. (kāore he utu mā ngā kaiako me ngā mātua/kaiāwhina) 

Kia kaha, tūhono mai

Pātai mai reservations@tepapa.govt.nz