Kura Kaupapa - Raumati 

Pütatara (shell trumpet) 1800-1900, Maker unknown, Wanganui. Te Papa
Pütatara (shell trumpet) 1800-1900, Maker unknown, Wanganui. Te Papa
Ngā Hotaka Kura Kaupapa  

Raumati

Te Kaupapa: Ngā mahi a te Rēhia

Te Whakatō: (He hui ā-ataata tēnei, e 45 mēneti–1 hāora te roa)

E ai ki ngā kōrero o nehe, ko Tānerore te kaitiaki o ngā mahi kapa haka. Ka aro atu te hōtaka nei ki te whakapapa o Tanerore. Anei ētahi pātai hei wānanga mā koutou:

  • He aha i tapaina ai ko Tānerore hei kaitiaki o te mahi kapa haka?
  • He aha ōna pūkenga?
  • He aha ngā momo mahi hei whakanui i a Tānerore?

Te Whakatipu: (nau mai ki Te Papa 10am – 2pm)

Ka anga te titiro ki te hunga nā rātou i whakatipu, i whakapakari i ngā pūkenga o Tānerore mō te ao whānui. Kātahi ka haere atu ki te akomanga (o Te Papa) ki te rāwekeweke taonga puoro me te wetewete reo hei tito pao, waiata, haka rānei. E whai ake nei ētahi o ngā mahi:

  • Ka titiro ki ngā taonga puoro, otirā, ki te rōpū Haumanu
  • Ka titiro ki ngā kaitito waiata me ngā kaupapa whakamanawa i ngā kaitito me a rātou waiata.

Ka wehe atu koutou, ka tau tētahi wero mā koutou. Ka aro atu ngā ākonga ki te whakahoahoa i ētahi momo taonga puoro, pērā ki te kōauau me te pahū. Engari, kia hangaia katoatia ki te rauemi hangarua. Kātahi ka tito waiata hei kīnaki i ngā kōrero mō aua taonga, ā, mō Tānerore hoki. Ka whakaari mai ki a mātou o Te Papa.

Te Hauhake: (He hui ā-ataata tēnei, e 45 mēneti–1 hāora te roa)

Ka hui ā-ataata anō tātou, ka aromatawai i te wero i whakatakotohia e mātou. Otirā, ka titiro ki ō koutou whāinga me ngā momo taonga puoro i hangaia, me ngā waiata i titoa e koutou. 

Te wā tuku: Kohitātea–Huitanguru

Ngā Hononga ki te Marautanga:

  • Te Reo Māori; Ā-waha, Ā-tinana
  • Ngā Toi; Ngā Mahi a te Rēhia, Toi Puoro 

Ngā Tau:0 – 8

Te utu: $3 te utu mō te hōtaka katoa, mō ia tauira. (kāore he utu mā ngā kaiako me ngā mātua/kaiāwhina)

Kia kaha, tūhono mai

Pātai mai reservations@tepapa.govt.nz