Te kaiārahitanga me te mahi tahi tikanga ru

E noho here ana a Te Papa Tongarewa hei rōpū whakahaere tikanga rua, e whakaae ana ki te mana nui o Te Tiriti o Waitangi me te kaupapa mahi tahi kei roto i Te Tiriti. I tauiratia te kaupapa tikanga rua o Te Papa Tongarewa hei whakawhanake i te mahi ngātahi a te Tangata Whenua me te Tangata Tiriti i ōna wāhi katoa tae atu ki ngā whakahaere.

Ko ngā kaiārahi ko Te Rangatira Tumuaki rāua ko Te Kaihautū.  Kei a rāua tahi te mahi kaiārahi rautaki, tae atu ki te whakawhanake i te tikanga rua o Te Papa Tongarewa.

Otirā ko ngā āhuatanga ka āta whāia e Te Rangatira Tumuaki ko te whakahaere i ngā mahi a te whare taonga; ko Te Kaihautū te kaiārahi i te whanaketanga me te whakanuitanga o te mahi tahi me ngā iwi Māori i raro i te Mana Taonga me te whakahaere i Rongomaraeroa.

Ko Dr Seddon Bennington te Rangatira Tumuaki.

Te waihanga o te rōpū

Tekau ngā rōpū umanga o Te Papa Tongarewa, pēnei nā:

• Corporate Services – ngā mahi Tiaki Pūtea/Tiaki Kaimahi, Tiaki Raruraru Tūpono, Ratonga Kāmura, Rawa ā-Tangata, Rautaki Tikanga Here me ngā Mahere, Ngā Pārongo Hangarau me te Whakawhanake.
• Te Rōpū Whakamana Māori – hanga whanaungatanga ki ngā iwi, whakahaere i te marae me te tiaki i ngā tikanga, whakahaere i te whanaketanga o te tikanga rua me ōna kaupapa, whakahaere i te hokinga mai o ngā taonga kei tāwāhi.
• Marketing and Communications – he rangahau i ngā mea e pai ana ki te hunga peka mai, he rangahau i taua mākete, te whakamōhio i ngā tāngata me te mākete, te tiaki i te Mahi Tā Pukapuka a Te Papa Tongarewa.
• Commercial - he whakahaere i ngā mahi kaipakihi tae atu ki ngā ratonga kai (Te Papa Cafe, Espresso, ICON Functions Venue) tae atu ki ngā toa hokohoko (The Store and Te Papa Kids' Store). Picture Library, Tautōnga mō te Hunga Peka Mai me Te Tā Pukapuka a Te Papa Tongarewa.
• Funds Development - te whakahaere me te whakawhanake i te mahi tahi me te tautoko.
• Experience - ngā wāhi whakahaere mahi ariā, whakatū tikanga, (tae atu ki te hanga ariā, ki te whakamārama, ki te hunga pāpāho), ngā hua me ngā ratonga (tae atu ki te whakahaere kaupapa, te hoahoa, ngā whakaaturanga tūruhi, wāhanga āwhina tāngata, te ārahi tūruhi) tae atu ki te wāhi akoranga (Te Ipu Kāhuirangi, ngā mahi me ngā ngahau, Discovery Centres, tae atu ki Te Aka Matua)
• National Services Te Paerangi – e mahi tahi ana me ērā atu whare taonga, me ngā iwi, me aua momo rōpū katoa hei hanga raukaha, hei whakanui i te whanaketanga o ngā ratonga hangarau e whai ake nei:
  • Mātauranga Māori
  • Art and Visual Culture
  • Natural Environment Papatūānuku
  • History and Pacific Cultures.