Ta Moko – He korero i runga kiri
Kei te whakanui tēnei i te toi tā moko, te mahi kōkō i te kiri me te poapoa ki te wai ngārahu. Ka hui ētahi o ngā kaitoi tā moko pai rawa o Aotearoa ki te mahi i runga i te marae o Te Papa e tautokona ana e ētahi kaiāwhina. Ka kite koe e pēhea ana tēnei mahi toi e mahia ana i ēnei rā, ka rongo koe i te rangiāhua mahi tahi o te marae e tautokona ai ērā tāngata whiwhi moko e ngā whanaunga me ngā hoa.
Ka whai wāhi koe ki te kite i tēnei mahi tā moko, ka ako mō tōna whakapapa me te āhua o tōna whakaatu i te tuakiri whaiaro me te tuakiri iwi. Ka whakaritea he kōrero i ia rā, ā, ka taea e koe te kōrero ki ngā tohunga o tēnei mahi.
He rongonui tēnei whakataukī e pā ana ki te tā moko: Tāia ō moko, hai hoa matenga mōu. Ka noho te moko hei rākai, hei hoa tae noa ki te matenga.
Titiro ki te mihi mai i a Derek Lardelli (2.6 MB).
Kei te whakaatu ētahi tohunga tā moko i te pū o ā rātou mahi. Ehara i te mea he kaitā moko anake - he whakairo, he peita, he hoahoa, he kaiwhakaatu, he kaiako, he mātanga toi hoki ā rātou mahi.
Kua whakawhanaketia e tētahi ohu ā-motu o ngā kaitoi tā moko he kaupapa kaha hei tiaki me te whakapakari i te mātauranga mahi tā moko.
Kua whakawhanaketia e tētahi ohu ā-motu o ngā kaitoi tā moko he kaupapa kaha hei tiaki me te whakapakari i te mātauranga mahi tā moko.
Ngā Hononga Marautanga, ētahi mahi, rauemi hoki, hei kīnaki i ō taenga mai kia Te Papa mo te whakāturanga a Tā Moko.
Mo ngā Kura katoa, ngā Kura Kaupapa Maaori, ngā Kura Auraki hoki.