I whitu ngā rā hei tuhi, i whitu ngā marama hei haina, 165 ngā tau hei taukumekume … ka haere tonu te tatau. Kei te kawea atu e TE TIRITI KI A KOE ngā kōrero mō te tuhinga taketake nei o Aotearoa mā tētahi whakaaturanga toro haere, he mea ahurei.
Ka wheako koe ki te Tiriti mā te whatu, mā te taringa, mā te rīpene whakaata, mā te pakiwaituhi me ngā whaikairoiro kua whakahauoratia. Whakamahia ngā pūrere hangarau hou rawa hei rapu pārongo atu, me te whakaputa i ōu whakaaro. Ka kitea hoki i te whakaaturanga he tauira o ngā tuhinga taketake e iwa o te Tiriti.
Kei te hurahia e TE TIRITI KI A KOE ngā mahi i ahu mai ai te Tiriti, mai i te whakapātanga tuatahi o te Māori me te Pākehā, ki ngā taukumekume tino roa i te pō i mua i te hainatanga. Kei te whakamārama he aha ngā korero kei roto i aua tuhinga, me ngā rerekētanga whai tikanga i waenganui i te tauira reo Māori me tō te reo Ingarihi. Kei te whai te whakaaturanga i ngā huarahi o aua tuhinga i te tau 1840 i te wā whai haere i ētahi atu hainatanga. Ka titiro hoki ki ngā tūmanako rerekē o ngā rōpū Māori, Pākehā hoki.
Hurahia ko ēhea ngā tūmanako i tutuki, me ērā kīhai i tutuki i te roanga o te wā. Kia mārama ki ngā āwangawanga i tupu haere i waenganui i te Māori me te Pākehā i tīmata ai he kaupapa whakatau, me ngā āhuatanga whakahaere o taua tukanga.
Ko te hiahia o TE TIRITI KI A KOE ko te whakaatu, ahakoa ngā tautohenga o ngā tau, kei te haere tonu te hāpai a te Tiriti i ngā iwi kia mārama ai rātou ki ngā āhuatanga o nehe, kia mātau ai ki ngā tikanga o nāianei, me te hanga tikanga anga whakamua.
E toru ngā rōpū whakahaere o tēnei kaupapa, ko rātou hoki ngā kaitiaki taonga mō te motu, arā ko Te Papa Tongarewa, ko Te Rua Mahara o te Kāwanatanga, me Te Puna Mātauranga o Aotearoa. Kei te tautokona ēnei e te Treaty of Waitangi Information Unit (SSC).
For further information about the exhibition please contact Angela Radford, TREATY2U Media contact, angelaradford@xtra.co.nz Ph (09) 579-7351 or (021) 401-104
Have a look at the TREATY2U educational resource developed specifically for this exhibition.
School Bookings
To ensure that you and your students get the best possible experience and to prevent overcrowding, please book your visit by emailing treaty2u@tepapa.govt.nz (Subject: School Booking) or by calling (04) 381-7495