Kei te wātea ngā tūranga tūwhera, tūranga raro-maru rānei, e 7 rā o te wiki. He wāhi anō kei te tūranga motokā mō ngā manuhiri hauā me ngā pahi turuhi.
Ngā utu tūranga waka
$3.50 i te hāora te utu whakatū waka, piki ake ki $12 mō te rā; mō te ahiahi e $6 mehemea i tae mai koe i muri i te 5pm. Ki te tuku pāhihi koe ka taea te tū mō te 15 meneti kore utu, kātahi ka wehe atu.
Pātai mai mō ngā utu whakaheke mō ngā rōpū kei te kawe hui i Te Papa. Kāore he utu tūranga mō ngā pahi turuhi.
Tūranga waka mō te pō
Ka taea te whakarite tūranga mō te pō mā te toro i te wāhi puta i tō taenga mai – me utu āmua, ā, ka whakaatu i te tīkiti i ngā wā katoa.
Tūranga waka mō te hunga hauā
E rima ngā tūranga hauā: e rua kei te taha mauī o te kuhunga ki te tūranga waka, e toru kei te taha mauī ka uru atu ai koe ki raro i te tuanui. Ka āhei te hou ki roto i te whare mā te papa tonu i te tomokanga matua.
Ngā pahi turuhi
Ka taea e ngā pahi turuhi te tuku me te kawe pāhihi i te urunga ki Cable Street me te tū kore utu. Ka āhei tētahi kaiāwhina o Te Papa ki te tohu i a koe ki te wāhi tika hei tūranga waka.
Ngā ture tūranga waka
- Me utu ka wehe ai koe i te wāhi puta – engari me utu āmua mō te tūranga o te pō.
- Tāpiritia atu te $0.50 mō te utu mā te kāri nama.
- Ka ngaro i a koe tō tīkiti, ka utu koe i te $12 te utu rahi rawa mō te rā.
- Ka whati i a koe ngā ture tūranga, tērā koe e pākia ki te $40 hei wete i ngā kati i tō motokā.