Kua tīni tō mātou tūranga waka
Kua whai mihīni utu tēnei tūranga waka. Kāore he whare utu ā-tangata i te putanga. Kei te whai mana ngā kōrero e whai ake nei mai i te Tūrei, 2 o Huitanguru.
Kei te wātea ngā tūranga tuwhera, tūranga raro-maru rānei, e 7 rā o te wiki. He wāhi anō kei te tūranga motokā mō ngā manuhiri hauā me ngā pahi tūruhi.
Ki te tū tō waka ki Te Papa, kei te āwhina koe ki te pīkau i te utu i ngā rangahautanga, i te kaitiakitanga o ngā taonga, i ngā whakaaturanga me ngā kaupapa ako i Te Papa.
Ngā utu tūranga waka
E tika ana ēnei utu mō ngā hāora 24 o ia rā.
I te rā: 8am–5pm
|
0–15 meneti |
kāore he utu |
|
0–1 hr |
$3.50 |
|
1–2 hr |
$7.00 |
|
2–3 hr |
$10.00 |
|
3–3.5 hr |
$12.00 |
|
3.5–4 hr |
$15.00 |
|
4–4.5 hr |
$18.00 |
|
4.5+ hr atu ki te 5pm |
$20.00 |
Pātai mai mō ngā utu whakaheke mō ngā rōpū kei te kawe hui i Te Papa. Kāore he utu tūranga mō ngā pahi tūruhi.
I te pō: 5pm-8am
|
Te utu ā-hāora |
$2.00 |
|
Utu ā-pō motuhake
(tae atu ā-muri i te 5pm, wehe atu i te 2am, i mua rānei) |
$6.00 |
Ka āhei tō waka te tū mō te pō.
Rahinga utu mō te 24 hāora $28.00
Ētahi atu utu
|
Mō te tīkiti kua ngaro |
$20.00 |
|
Pēnā ka pupuritia tō waka |
$40.00 |
|
Pēnā ka kawe atu tō waka |
$75.00 |
Me pēhea te utu
Ka tū tō waka, haria tō tīkiti, ka utua i mua i tō hokinga atu ki tō waka.
I ngā Mīhini Utu (Kei te mahere e tohu ana)
- Mā te kāri nama
- Mā te pepa moni, ka whakahoki tīni ki a koe
I te putanga
He pūrere tuku moni (ATM) kei te tomokanga matua o Te Papa, e mahi ana i ngā hāora tuwhera o te whare taonga nei.
Tūranga waka mō te hunga hauā
E rima ngā tūranga hauā:
- e rua kei te taha mauī o te kuhunga ki te tūranga waka
- e toru kei te taha mauī ka uru atu ai koe ki raro i te tuanui.
Ka āhei te hou ki roto i te whare mā te papa tonu i te tomokanga matua.
Pahi tūruhi
E āhei ana ngā pahi tūruhi te tuku me te tiki pāhihi mai i te tomokanga matua i te tiriti o Cable, me te tū mō te kore utu. Mā tētahi kaiāwhina tō pahi e tohu atu ki whea tū ai.
Ngā ture tūranga waka
- Me aro atu koe ki ngā tohutohu, ā-waha, ā-tohu, ā-pānui, ā-peita rori rānei.
- Me utu koe i tā mātou i whakarite ai hei utu tūranga waka.
- E āhei ana mātou te tō atu, te whakamau kati, te whakaneke rānei i tō waka pēnā ka takahi koe i ngā ture o tēnei tūranga waka. Pēnā ka tū tō waka i runga i tētahi rārangi kōwhai, ka ārai rānei tō waka i te nekenga o tētahi atu waka, o te tangata rānei, kei a mātou te tikanga.
- Ki te kore koe e utu i tō nama mō te whakaneke me te tiaki i tō waka i muri mai i ngā rā 30, e āhei ana mātou te hoko atu i tō waka hei utu i ērā nama.
- Ko te rahinga o te wā e āhei ana tō waka te tū ki konei, ko te 24 hāora. Ka hipa atu i te 24 hāora, ka tōngia pea tō waka e te taraka tō ki te whare herehere wakatō. Ka riro māu tērā nama e pīkau. E āhei ana te tangata te whakarite me mātou mō te tūranga waka roa atu i te 24 hāora.
- Ka mau tō waka ki te kati, ka tō rānei e te taraka tō, kia utua te whaina ka tukuna te waka ki te tangata kei a ia te tīkiti tūranga waka, ki te tangata rānei e āhei ana te whakamārama mai, nōna taua waka. Kei a mātou te kupu whakaae, whakahē rānei.
- Me whai whakamana waka, me whai rēhita waka, me rite tō waka mō te haere huarahi, me kaua e whai take mōrearea ki ētahi atu waka, tāngata, rawa rānei.
- Ki te tū mai tō waka ki konei, kei runga i a koe tēnā. Pēnā ka whara koe, tētahi atu rānei, ka ngaro, ka pakaru rānei tētahi āhuatanga rongo nōu, ehara i a mātou.
- Māu te nama e utu mō te tutukinga o tō waka ki ngā rawa o te tūranga waka.
- Me whakaae ā-ture mai koe, kia inihuatia mātou mō ngā kerēme, mō ngā hapa ka pā ki a mātou mai i tō tū (tae atu ki āu tamariki, tāngata rānei) ki tēnei tūranga waka.
I roto i ēnei whakaritenga:
Utu – koinei te hua o ngā nama ki a mātou, o ngā nama nā mātou i waihanga, me te tāke hokohoko hoki.
Tūkino – ko ngā momo tūkino pēnei nā, arā, he tūkino hāngai, he tūkino tāhapa, he tūkino tukunga iho, me ngā tono motuhake.
Waka – ko te momo waka whai wīra, whai pūrere (āna kawenga me āna utauta katoa) e whakaaetia ana kia tū ki tēnei tūranga waka.
Mātou – ko Te Pōari o te Museum of New Zealand Te Papa Tongarewa mātou ko āna kaimahi katoa, tae atu ki ngā kaikirimana motuhake.
Koe – ko te kaitaraiwa o te waka e kuhu mai ana ki te tūranga waka nei.