Te kākahu Māori
Tākina te whakapapa o te whatu kākahu mai i te orokohanga mai o te ao Māori. Tirohia he paku hītori o te whatu kākahu. Ka rārangihia ngā momo kākahu, ka kitea ko ētahi o ngā kākahu motuhake kei Te Papa, me ētahi kei waho atu.
Nā ngā atua i te pō te aho tapu i whiri ki te whei ao, ki te ao mārama. He taonga tuku iho te whatu kākahu nō te orokohanga o te ao. I konei ka kitea te pūtakenga mai o tēnei mahi rangatira a te wahine.
Nō te ūnga mai o ngā tīpuna ki Aotearoa, i kawea mai ō rātau tikanga whatu kākahu. Nā te makariri o tēnei whenua me te rerekē o ngā rawa, i urutau ai, i panoni ai i ngā tikanga whatu kākahu. Koinei te whakarāpopototanga mai i te tīmatanga – mai i te auahatanga ki te hekenga tae atu ki te whakahaumanutanga.
Arā kē ngā momo kākahu nā te ringarehe i whatu, mai i te pākē tae atu ki ngā kākahu rerehua. I ngā tau maha, he momo hou, he tikanga hou i whakawhanakehia, ā, tae atu ki ngā weu hou a te Pākehā.
Kia kite mai ngā kākahu matahīapo mai i ngā kohinga kei rāwāhi.
Ko Toi Te Rito Maihi, he ringarehe, he ringatoi, ko ia hoki tētahi o ngā kaituhi o Whatu Kākahu | Māori Cloaks. Ka kōrero ana mō te tikanga o te kākahu.
Mātakitakihia ngā ataata o Kahu Ora
Banner image: Kākahu (cloaks) from Te Papa’s collection. Photograph by Mike O’Neill, 2006. Te Papa