Kura Kaupapa - Hōtoke | Matariki 

Kereru. Te Papa. 2010.
Kereru. Te Papa. 2010.

Ngā Hotaka Kura Kaupapa

Hōtoke | Matariki

Te Kaupapa: Kimihia, rangahaua

Te Whakatō: (He hui ā-ataata tēnei, e 45 mēneti–1 hāora te roa)

Ka ara a Matariki, koia te wā ka āta rangahau tātou i ngā kōrero o nehe, hei poipoi i a tātou i te ao hou. Ko te kererū te kaupapa matua o ngā mahi rangahau.

  • He aha ngā kōrero a tēnā iwi, a tēnā iwi mō te kererū?
  • He aha ngā tino painga o te kererū ki Te Wao-nui-a-Tane, arā, ki te taiao anō hoki?

Te Whakatipu: (Tau mai ki Te Papa mai i te 10am–2pm)

Ka aro tātou ki ngā kāhui whetū e mura ana i te pō, arā, ko Matariki.

  • Ka mahi mahere whetū tātou ko ngā tamariki, ka ako i ngā ingoa o ngā whetū.
  • Ka tomo atu ki rō whare pupuri whetū ki te rapu i a Matariki.

Kātahi ka aro atu te hōtaka nei ki ngā tikanga mō te kererū. Ka whai wā hoki koutou ki te āta titiro, ki te whāwhā atu ki ētahi o ngā momo hangarau tawhito, hopu kererū, pērā i te waka kererū.

  • ka āta rangahau i ngā painga o te kererū ki te taiao.
  • ngā kōrero pūtaiao mō te painga o a tātou tikanga me ngā kōrero mō te kererū.
  • Ka whakaae mai, ka whakahē rānei?
  • Mā ngā ākonga a rātou ake waka kererū e waihanga mai i ngā rauemi hangarua, hei waka whāngai kererū.

Te Hauhake: (He hui ā-ataata tēnei, e 45 mēneti–1 hāora te roa)

Ka hui ā-ataata anō tātou ki te aromatawai i te wero i whakatakotohia e mātou. Ka āta titiro ki ngā whāinga o ngā rangahau, ā, ki te otinga o ngā mahi tārai waka kererū mā tō kura.

Te wā tuku: Mai i Pipiri ki Hereturikōkā

Ngā Hononga ki te Marautanga:

  • Tikanga ā-Iwi; Te Ao Hurihuri, Te Wāhi me te Taiao
  • Hangarau; Ngā Āhuatanga o te Hangarau, Te Whakaharatau Hangarau 

Ngā Tau:0–8

Te utu: $3 te utu mō te hōtaka katoa, mō ia tauira. (kāore he utu mā ngā kaiako me ngā mātua/kaiāwhina) 

Kia kaha, tūhono mai

Pātai mai ki a: reservations@tepapa.govt.nz