Te kaupapa
Ko te kaupapa o Te Papa mō ngā rā e tū mai nei, E huri ngākau ana. E huri whakaaro ana. E huri oranga ana.
Ko Te Papa hei whare taonga e whakaatuhia ai, e tūhuratia ai, e tiakina ai ngā tikanga tuku iho o te motu me ngā mātauranga o te taiao. I whakatūria a Te Papa i runga i te tūāpapa o te Museum of New Zealand Te Papa Tongarewa Act 1992.
Museum of New Zealand Te Papa Tongarewa Act
Ngā whāinga roa
- Kei te kuhu ngā tāngata o Aotearoa ki ngā take ā-iwi, ki ngā take o te wā mā ngā kaupapa maha a Te...
Expand te reo Māori text
Te kaupapa
Ko te kaupapa o Te Papa mō ngā rā e tū mai nei, E huri ngākau ana. E huri whakaaro ana. E huri oranga ana.
Ko Te Papa hei whare taonga e whakaatuhia ai, e tūhuratia ai, e tiakina ai ngā tikanga tuku iho o te motu me ngā mātauranga o te taiao. I whakatūria a Te Papa i runga i te tūāpapa o te Museum of New Zealand Te Papa Tongarewa Act 1992.
Museum of New Zealand Te Papa Tongarewa Act
Ngā whāinga roa
- Kei te kuhu ngā tāngata o Aotearoa ki ngā take ā-iwi, ki ngā take o te wā mā ngā kaupapa maha a Te Papa, he whakaaturanga, he mahi ngātahi me Te Papa.
- Kei te whakawhanake, kei te penapena ngā kohinga taonga mō ngā uri whakaheke.
- Kei te kaha tonu ngā iwi, ngā hapū, ngā hapori ki te mahi ngātahi me Te Papa hei whakatutuki i te mana taonga.
- Ko te āheinga o ngā manuhiri ki te whakapakari i tō rātou nā mōhio ki ngā kōrero tuku iho, ki ngā toi, ki te pūtaiao me te ahurea o Aotearoa mā ngā kohinga taonga, mā te mātauranga me ngā rangahau o Te Papa.
Ngā rautaki matua
I te tau 2015, i whiriwhiria ngā rautaki matua hei whāinga mātou i roto i te wā:
Te whakahou whare taonga me te whakanui whiwhinga pūtea
Ka whakawhanakehia, ka whakahoutia ngā whakaaturanga wā roa, ka hangaia ētahi kaupapa hou mā ngā manuhiri e whai wāhi mai ai ngā āhuatanga katoa o te whare taonga, e rongo ai te manuhiri i te hōhonutanga o te mana taonga.
Te hono ki ngā Iwi
Ko te tikanga rua te tūāpapa o tēnei whare taonga, koia hei papa hanga tikanga. Ka pūmau ki te mana taonga o ngā iwi, ka āwhina hoki i ngā iwi kia ea te wāhi ki ō rātou taonga i raro i te Tiriti o Waitangi.
Matihiko
Ka eke mātou ki te aro-ā-kapa mō te tuku kōrero matihiko, ka whātoro atu ki te motu mā te hangarau, mā ngā hōngere matihiko.
Te Papa Manukau
Ka tūhuratia ngā ara aukati i ngā pānga kino ki te kohinga tāonga ā-motu, i te wā kotahi, ka whakatairangahia te āheinga o te motu ki āna taonga.
He kōrero anō
Tirohia ngā pūrongo me ngā pepa matua mō ngā Pūrongo ā-Tau, ngā Tauāki Whakapuaki i ngā Whakamaunga atu me ngā Tauāki Whakapuaki i ngā Whāinga kua Whakaritea.
Close te reo Māori text
