He whakamārama 

He mahi rangatira ngā hui ā-rohe me ngā wānanga, koia e whai wāhi mai ai ngā iwi, hapū me ngā whānau ki tēnei kaupapa. I ēnei hui ka kōrerorero tahi ngā iwi me Karanga Aotearoa i ngā take nui, i ngā tikanga e hāngai ana ki te whakahokinga mai o ngā kōiwi tūpuna ki ēnei motu. Ko tā mātou he kohikohi i ngā kōrero e tū ai mātou hei pou whirinaki mā ngā iwi.

E toru ngā kaupapa whakahaere i ngā hui ā-rohe.

1. He whakahaere i ngā kōrero me ngā matapaki a ngā iwi kia kitea tētahi okiokinga whakamutunga mā ngā kōiwi tangata Māori kāore i te mōhiotia nō hea, ko wai rānei ngā iwi.
2. He whakarite i te pūrongo tirohanga whānui o Te Hōtaka a Karanga Aotearoa me ngā whakamārama mō ngā mahi kua oti i ngā rā tata nei.
3. He rapu i ngā tirohanga mō te kawe tonu i tēnei kaupapa whakahoki kōiwi tangata Māori.

Ngā hui ā-rohe o mua

E rārangi mai nei ngā rā me ngā wāhi i tū ai ngā hui ā-rohe. Ki te pīrangi koe ki te tiro i te pūrongo mō tētahi hui, tuku karere mai ki tearikirangim@tepapa.govt.nz

Whakapā mai

Mō ētahi kōrero anō mō ngā hui ā-rohe whakapā mai ki:

Te Arikirangi Mamaku, Kaitohutohu Kōiwi Tangata (Repatriation Programme Coordinator)
Waea: +64 (0)4 381 7141
Īmēra: tearikirangim@tepapa.govt.nz