Kia mau roa ai ngā taonga pueru, me tika te whakamaru, me āta tiaki hoki. Toro mai ki tēnei rauemi tohutohu a National Services Te Paerangi mō ngā whakamārama.
Kei konei anō, The Australian Dress Register ētahi tohutohu mō āta tiaki i ngā kākahu.
Te whāwhā pueru
Ka raru ngā pueru i te wā, i te mākū, i te pae mahana rānei. Ki te kore koe e mōhio, toro atu ki tētahi kaitauwhiro.
- Kia kaua e whāwhā nuitia.
- Ki te whāwhāngia, whakamaua ētahi karapu papahune, karapu maka noa rānei e haumaru ai ngā pueru i te hinu, i te paru, i te werawera, i ngā waikawa māori rānei.
- Kia āta takoto ngā taonga kei raru i te taumaha.
- Kia mārama te tautuhi ingoa i ngā papa taonga pueru, koi whāwhāngia anōtia.
Te pupuri
- Whakamarumarutia rawatia ngā taonga pueru. Tūturu, ka raru, ka māwhe te pueru i te mārama (i te tūrama hoki) ka maroke, ka pākarukaru ā tōna wā.
- Whakamahia ngā papa waikawa kore. Kaua e pupuri ki rō papa kirihou – kei mau te wai, kei tupuria ki te puruhekaheka.
- Pēnā ka taea whakatakotohia te pueru kia papa tahi, takaia ki tētahi rango rānei. Ki te whātui i te pueru, me āta mahi, kia kotahi te wā i ia tau ka whātuia.
- Me tau te paemahana me te takawai. Tērā ka raru te pueru i ngā panonitanga paku i te taiao, ka whakanuia, ka whakawhāititia rānei, i reira ka whati ngā weu. Tērā ka tupuria te pueru ki te puruhekaheka me he nui te pipiwai, ka totō te tae rānei. Me he maroke rawa, ka makuhane te pueru. Ko te paemahana e tau ai te pueru, kei waenga i te 12–18°C. Mō te takawai, kei te takiwā o te 50-55%.
- Kia mā te papa pupuri, kia tika, kia pai te uru me te puta o te hau. Kia auau te tahitahi me te hororē.
Te ūkui
Tērā ka raru rawa te taonga pueru i te horoi mā te wai, e kore a muri e hokia. Ki te kore koe e mōhio, toro atu ki tētahi kaitauwhiro.
Me he mōhio koe, e kore rawa tō taonga pueru e raru i te hororē, kia ngāwari, kia māmā te mahi a te hororē, me mau tētahi papa ngaiaku i waenganui i te ngongo o te hororē me te pueru.
He mea hanga te nuinga o ngā taonga pueru Māori ki ngā rawa o te taiao, he harakeke, he rawa kararehe rānei pēnei me te wūru, te huruhuru manu, te huruhuru kurī rānei. Pērā ki ētahi atu pueru, ki te mau tika, me tika anō te mahi, me āta tiaki. Kei tēnei rauemi nā National Services Te Paerangi, ngā tohutohu e āta pupuri, e āta tiakina ai ngā pueru Māori.
Mātakitaki mai i ngā kairokiroki a Te Papa e āta tiaki ana i ngā momo pueru:
Samoan titi (dance skirt)
Wedding dress, 1920
Kaitaka paepaeroa (cloak)
Stabilising black dyed fibres
Close te reo Māori text
