He whare tikanga rua a Te Papa Tongarewa. He tini ngā kaupapa e mahi tahi ai mātou ko ngā iwi, koianei ētahi kaupapa.
National Services Te Paerangi (NSTP)
Ngā Whakaaturanga ā-Iwi
Karanga Aotearoa Repatriation Programme
Ko tā NSTP he whakapakari i te rāngai muhiama o Aotearoa, i ngā hapori, i ngā iwi, i ngā hapū me ngā marae mā te āwhina ā-ringa, ā-rautaki hoki. Mā te whakangungu, mā te hanga rauemi, mā te pūtea taunaki, mā te tohutohu, mā te hui tahi, mā te wānanga tahi e tutuki ai tēnei whāinga...
Expand te reo Māori text
He whare tikanga rua a Te Papa Tongarewa. He tini ngā kaupapa e mahi tahi ai mātou ko ngā iwi, koianei ētahi kaupapa.
National Services Te Paerangi (NSTP)
Ngā Whakaaturanga ā-Iwi
Karanga Aotearoa Repatriation Programme
Ko tā NSTP he whakapakari i te rāngai muhiama o Aotearoa, i ngā hapori, i ngā iwi, i ngā hapū me ngā marae mā te āwhina ā-ringa, ā-rautaki hoki. Mā te whakangungu, mā te hanga rauemi, mā te pūtea taunaki, mā te tohutohu, mā te hui tahi, mā te wānanga tahi e tutuki ai tēnei whāinga matua.
He kōrero anō mō National Services Te Paerangi
Mā te kaupapa nei e āhei ai tēnā me tēnā iwi te whakaatu mai ai i ā rātou taonga, i ā rātou kōrero ki te motu. Koia tētahi ara e tutuki ai te mana taonga – kia kitea ngā taonga, kia whāwhāngia, kia kōrerohia ngā taonga e ō rātou uri, otirā, kia tūhonohono te iwi ki āna taonga. Koia te whāriki o te kaitiakitanga a ngā taonga e mau nei ki Te Papa Tongarewa.
Te Iwi noho ki Te Papa
Ka mahi ngātahi tētahi iwi me Te Papa Tongarewa ki te waihanga i tōna ake whakaaturanga. Mai i te whakatuwheratanga ki tōna whakakapinga, ka noho te tokorua kaumātua nō taua iwi ki Te Papa, hei kaitiaki, hei pou here tikanga, hei manaaki i tōna kawa ki runga o Rongomaraeroa.
Te Whakaaturanga ā-Iwi ki Te Papa
- Ko Rongowhakaata: Ruku i te Pō, Ruku i te Ao, Mahuru 2017 – Huitanguru 2022
- Whiti Te Rā! The story of Ngāti Toa Rangatira, Pipiri 2014 – Huitanguru 2017
- Tai timu, tai pari, Tainui: Journey of a people, Mahuru 2011 – Poutūterangi 2014
- Mō Tātou: The Ngāi Tahu Whānui exhibition, Hōngongoi 2006 – Hereturikōkā 2009
- Te Awa Tupua: The Whanganui iwi, Whiringa-ā-rangi 2003 – Haratua 2006
- Tūhoe: Children of the mist, Whiringa-ā-rangi 2001 – Whiringa-ā-rangi 2003
- Te Aupouri Iwi: People of smoke and flame, Hereturikōkā 1999 – Whiringa-ā-nuku 2001
- Te Ātiawa iwi exhibition, Huitanguru 1998 – Hereturikōkā 1999
Ko te kaupapa a Karanga Aotearoa he whakahoki i ngā kōiwi tūpuna Māori, i ngā kōimi tangata Moriori mai i rāwāhi ki ō rātou nā iwi ki Aotearoa. Ka riro mā Te Papa tēnei kaupapa e kawe mā te Kāwanatanga o Aotearoa. Ka mahi ngātahi mātou ko ngā iwi hei whakatutuki i tēnei kaupapa nui whakaharahara.
He kōrero anō mō te kaupapa o Karanga Aotearoa
Close te reo Māori text