Ākona ngā tikanga penapena whakaahua, penapena tāonga ā-tuhi hoki. Whakaritea tētahi hui e āhei ai te whakawhitiwhiti kōrero, mātauranga me te mahi ngātahi hoki.
Kei tēnei whārangi:
Ngā papamahi tiaki taonga
He papamahi whakaahua matihiko, tiaki taonga pepa
Te whakatū papamahi
Hui
Ka mahi ngātahi a National Services Te Paerangi me ngā iwi, hapū, whānau, marae hoki hei whakatū papamahi tiaki taonga puta noa i te motu.
E rua rā te roanga atu o ngā papamahi (wānanga), he mahi ā-ringa, he wheako whai hua ka ārahina e Rangi Te Kawana (Kaitiaki Pūeru, Te Papa) rāua ko Vicki-Anne Heikell (Kaitiaki Pepa, National Preservation Office, Alexander Turnbull Library).
Te pupuri taonga
Ki te kawe mai koe i tētahi taonga pūeru ki te papamahi, ka arotakengia e Rangi, māna koe e taunaki ki te waihanga tētahi papa e tika ana hei pupuri i taua taonga.
Te tiaki taonga pepa
Mā Vicki-Anne koe e ako ki te:
- āta whāwhā i te taonga ki ō ringa
- āta tākai, ki te tiaki i ngā taonga pepa
- āta waihanga i ngā papa me ngā kōpae pupuri tika i te pepa.
Mā Vicki-Anne te āhua o ngā taonga pepa e arotake, kātahi ka whakaatuhia ētahi tikanga pupuri taonga e tika ana.
He mātauranga me tuku
Ka mutu ana te papamahi, ka akiakina koe ki te whakaatu atu ēnei tikanga tiaki taonga ki ō karangamaha, kia ea ai te kōrero, he taonga tuku iho. Ka āhei a Te Papa ki te tautoko i tō tuku i ēnei mātauranga ki tō iwi.
He mea whanake ēnei papamahi e ea ai te māharahara a ngā iwi, hapū, whānau mō ngā whakaahua kei ngā pātaka iringa kōrero puta noa i te motu.
E rua rā te roa o ngā papamahi (wānanga), he kaupapa mahi ā-ringa, he akoranga whai hua e arahina ai e ngā kaiwhakaahua o Te Papa, ko Norm Heke (Ngā Puhi, Te Arawa) rātou ko Michael Hall, ko Kate Whitley, me Vicki-Anne Heikell, te Kaitiaki Taonga Pepa, National Preservation Office, Alexander Turnbull Library.
Te kape whakaahua
I te rā tahi, ka whakaakona koe ki te whakaahua matihiko i ngā whakaahua a ō tīpuna, a tō whānau rānei hei whakapūranga, hei āta pupuri i ēnei whakaahua.
Te tiaki
I te rā rua, ka whakaakona koe ki te āta tiaki, ki te pupuri tika i ngā taonga ā-pepa, i ngā whakaahua hoki hei taonga tuku iho ki ngā uri whakaheke.
Āu ake whakaahua
Mauria mai tētahi kohinga whakaahua, ētahi taonga pepa rānei he taonga tiaki māu i tēnei papamahi. Mauria mai tāu ake kāmera, mā reira e whakangungu ai, e whakapakari ai ngā pūkenga hopu whakaahua ka mau i a koe.
Ki te pīrangi whakatū papamahi koutou ko tō iwi, hapū rānei, tirohia te whārangi e whai mai nei, kātahi ka whakapā ki a mātou mō te roanga atu o ngā whakamārama.
Ko tā mātou whāinga matua, he āwhina i te iwi kia tiakina ngā taonga tuku iho. Pēnā he whakaaro o koutou mō tētahi papamahi ā-iwi hou e tiakina ai ngā taonga, tēnā koa, whakapā mai ki a mātou kia kōrero tahi tātou:
Migoto Eria, Kaiwhakahaere Hononga ā-Iwi
Īmēra: migoto.eria@tepapa.govt.nz
Waea: (04) 381 7224 waea utukore rānei 0508 678 743
He maha ngā momo hui ka tautokona e mātou. Ka mahi ngātahi mātou me ngā iwi, hapū, whānau ki te whakatutuki i te mana taonga. Ko te kaupapa ia he hui tahi, he wānanga i ngā tūāhuatanga katoa e hāngai ana ki te whanaketanga ā-iwi me te tiaki i ngā taonga.
Ētahi tauira o ngā tū hui o mua
- Kaitiaki Māori hui – he tautoko, he whakawhanake ngaio i ngā kaimahi Māori i ā rātou mahi tiaki taonga
- Ka hui me ngā iwi, ngā hapū me ngā muhiama hei whakawhitiwhiti kōrero, hei mahi tahi ki te āta tiaki i ngā taonga
- He hui taonga kua whakaritea e te whānau – he whakatū pātengi raraunga taonga, he waihanga mahere whakarauora tikanga
- He hui mō te whakawhanake taonga, mō te wānanga i te mātauranga e hāngai ana ki ngā taonga
- He hui whakawhanake i te pātengi raraunga taonga me ngā kaupapa whakangungu e hāngai ana
Te Tautoko i ngā Hui
Mēnā kei te whakarite hui koe, whakapā mai ki a mātou hei āwhina, hei kōrero tahi hoki. Mā mātou pea tō hui e taunaki.
Migoto Eria, Kaiwhakahaere Hononga ā-Iwi
Īmēra: migoto.eria@tepapa.govt.nz
Waea: (04) 381 7224 waea utukore rānei 0508 678 743
Close te reo Māori text
