Te haeretanga ki Te Papa
Kei 55 Cable Street a Te Papa, kei te ara moana o Te Whanganui-a-Tara.
Arā noa ngā ara ki Te Papa.
- Mā raro: he māmā noa te hīkoi mai ki te whare taonga mai i te puku o te tāone.
- Pahi: Ka tū haere te nuinga o ngā pahi i Courtenay Place me Willis Street. Poto kau iho te hīkoitanga atu ki Te Papa.
- Tereina: Ka 20 meneti te hīkoitanga mai ki Te Papa mai i te aramoana, mai i te tauranga tereina.
Mahere
Te whakatū waka
Kuhu atu ki te tūnga waka i Cable Street, mā Circa Theatre.
Whakatūria kia $4 ia haora. E āhei ana ki te utu mā te moni, EFTPOS, kāri moni, mā te nuinga o ngā kāri moni rānei.
Ki te mīhini putanga, rarau i tētahi tīkiti whakamahia rānei tō kāri moni.
Ki te puta atu, me utu ki te mīhini utu e te manuhiri whai tīkiti. E āhei ana ngā kaipupuri kāri moni ki te utu ki reira, ki te mīhini putanga rānei.
Kei te hiahia whakatū waka ki te tūnga waka o te whare i waenga i te 8pm me te 7am? Pēhia te pātene kōrero i te mīhini putanga kua kati. Mā te kapa Security koe e tuku ki roto.
E aunoa ana te huakitanga mai o te putanga.
Ki te kuhu ki roto i Te Papa mai i te tūnga waka, whāia te ara kauhanga e ahu atu ana ki te Circa Theatre.
I te wā o te mate whawhati tata
Mēnā ka whakawāteahia te whare, ka mura mai ngā rama whero i te tuanui, i roto i ngā whakaaturanga matua, me ngā wharepaku. Ka tangi mai ngā whakaoho. Mā ngā Kaimanaaki koe e ārahi ki te putanga ohorere tata rawa.
Ngā tikanga a Te Papa
He tikanga ā mātou hei tiaki i ngā taonga:
Tēnā koa kaua e kai e inu rānei ki roto i te whare taonga. E āhei ana ki te hoko kai me te inu ki ngā whare kai e rua, engari kaua koa e haria atu ki wāhi kē atu. E āhei ana ki te kai i āu ake kai ki waho, arā, ki te Tapere i Waho.
E āhei ana ki te hopu whakaahua, māna ka kite atu i te pānui nei. Tēnā me kōhiko-kore waetoru-kore te mahi hopu whakaahua.
Kāore e taea te nuinga o ngā taonga te whakapā. Mā ngā pānui e tohu i te wā whakapā.
Close te reo Māori text